Tags-Khafa

jo mehrbāñ hai to kyā mehrbāñ ḳhafā to ḳhafā
kabhī kabhī to vo bilkul ḳhudā dikhā.ī de

haa.e majbūriyāñ mohabbat kī
maiñ ḳhafā ho ke bhī ḳhafā na huā

mirī be-ruḳhī se na ho ḳhafā mire nāsehā mujhe ye batā
jo nazar se piitā huuñ maiñ yahāñ vo sharāb kaise harām hai

hargiz nahīñ jiine se dil-e-zār ḳhafā
siine meñ machaltī hai tamannā-e-vafā

ik kashmakash ke ba.ad ta.alluq nahīñ rahā
begāna ho ke ham se vo lekin ḳhafā na thaa!

zindagī se ek din mausam ḳhafā ho jā.eñge
rañg-e-gul aur bū-e-gul donoñ havā ho jā.eñge

vo ḳhush ho ke mujh se ḳhafā ho gayā
mujhe kyā umīdeñ thiiñ kyā ho gayā

kis pyaar se hotī hai ḳhafā bachche se
kuchh tevarī chaḌhā.e hue muñh phere hue

aa.e haiñ 'mīr' muñh ko banā.e ḳhafā se aaj
shāyad bigaḌ ga.ī hai kuchh us bevafā se aaj

mere kirdār meñ muzmar hai tumhārā kirdār
dekh kar kyuuñ mirī tasvīr ḳhafā ho tum log

us kī bātoñ pe ḳhafā mat honā
'farhat' ehsās to saudā.ī hai

mujh se hue vo kyuuñ ḳhafā
un se mujhe gilā nahīñ

kuchh zabāñ se nikal gayā thā yūñhī
kyuuñ ḳhafā aañ janāb hone lage

are zarā mire dil se ye koī pūchh aa.e
usī tarah vo ḳhafā haiñ ki mehrbān hue

'ārif' vo kar rahā thā tabassum bhī zer-e-lab
jab ālam-e-itāb meñ mujh se ḳhafā bhī thā

mujh se ai dost phir ḳhafā ho jā
ishq ko niiñd aa.ī jaatī hai

muqaddar ko badal deñ vo zamāne ko ḳhafā kar deñ
magar apne tasavvur ko mirā ġham-ḳhvār rahne deñ

ghar meñ sahrā hai to sahrā ko ḳhafā kar dekho
shāyad aa jaa.e samundar ko bulā kar dekho

na tum mile the to duniyā charāġh-pā bhī na thī
ye mehrbāñ to nahīñ thī magar ḳhafā bhī na thī

ek hī fan to ham ne sīkhā hai
jis se miliye use ḳhafā kiije