Tags-Khafa

'qā.em' se koī ho hai ḳhafā
banda, ḳhādim, daulat-ḳhvāh

ḳhafā rahne lage ho mujh se akasr
judā ho jāoge ab ke baras kyā

mirī sub.heñ ḳhafā hoñ yā hoñ bargashta mirī shāmeñ
diyā hai dopahar ne jo mujhe in.aam likkhūñgā

ye alag baat ki vo mujh se ḳhafā rahtā hai
maiñ ik insān huuñ aur mujh meñ ḳhudā rahtā hai

sābit thā jab talak ye garebāñ ḳhafā thā maiñ
karte hī chaak khul ga.e chhātī ke sab kivāḌ

ḳhafā ho gāliyāñ do chāho aane do na aane do
maiñ bose lūñgā sote meñ mujhe lapkā hai chorī kā

tum se jab tark-e-ta.alluq kar liyā
dil to dil mujh se ḳhafā hai aa.ina

merī har baat par vo ḳhafā sā lage
sāf-goī kā us ko burā sā lage

kis ne mausam ko sikhlā.ī aisī adā
kabhī ḳhush aur kabhī ye ḳhafā sā lage

ham ahl-e-zarf haiñ yuuñ hī ḳhafā nahīñ hote
vafā-shi.ār kabhī bevafā nahīñ hote

aisā kabhī dekhā na sunā jaur kā ḳhūgar
har baar jafā kar ke bhī hotā thā ḳhafā vo

hue vaqt-e-āḳhirī mehrbāñ dam-e-avvalīñ jo ḳhafā hue
vo abad meñ aa ke gale mile jo azal meñ ham se judā hue

pas-e-vasl ham jo sarak ga.e to vo khilkhilā ke phaḌak ga.e
kahā shoḳhiyoñ ne chalo haTo ki huzūr tum se ḳhafā hue

abhī haiñ zamāne se be-ḳhabar rakhā haath rakkhe ye laash par
uTho bas uTho kahā maan lo mirī kyā ḳhatā jo ḳhafā hue

phuul ḳhafā rahte haiñ apnī shāḳhoñ se
dar apnī dīvār se uljhā rahtā hai

be-sabab ham se ḳhafā ho ga.ī duniyā 'ālam'
ham ne likkhā hai kahāñ qissa-e-jāñ se aage

aur to kuchh nahīñ yaañ itnā ḳhafā hote ho kyuuñ
kyā huā aap ke nazdīk jo ho baiThe ham

thoḌī sī baat meñ 'qā.em' kī tū hotā hai ḳhafā
kuchh haramzadga.īñ apnī bhī tujhe yaad haiñ shaiḳh

ki us kā rūThnā bhī lāzmī hai
manā lūñgā agar hogā ḳhafā to

zaḳhm khāne se yā koī dhoka khāne se huā
baat kyā thī maiñ ḳhafā jis par zamāne se huā