Tags-Khafa

sunegā vo to ḳhafā hogā phir na.e sar se
kasū ke kaan meñ kuchh mat kaho huā so huā

ishq meñ tahzīb ke haiñ aur hī kuchh falsafe
tujh se ho kar ham ḳhafā ḳhud se ḳhafā rahne lage

paglī sī ek laḌkī se shahr ye ḳhafā hai
vo chāhtī hai palkoñ pe āsmān rakhnā

ye aarzū hai ki vo din na dekhnā ho nasīb
mire amal se mirā fikr jab ḳhafā hogā

maiñ aap se ḳhafā huuñ ki tum rūThe ho paḌe
bohtān mere sar pe na yuuñ dhar ke soiye

bātoñ meñ guzarte hijr ke din ai kaash ki donoñ mil jaate
ham se hai dil-e-nākām ḳhafā āzurda dil-e-nākām se ham

mausam se rañg-o-bū haiñ ḳhafā dekhte chalo
ye kyā chalī chaman meñ havā dekhte chalo

sirf dhundlā.e sitāroñ kī chamak dekhī hai
kab huā kaun huā kis se ḳhafā yaad nahīñ

tū bhī nārāz bahut hai mujh se
zindagī tujh se ḳhafā huuñ maiñ bhī

kaun ho ġhuncha-sifat apne sabā kā marhūn
jaise tañg aa.e the vaise hī ḳhafā jaate haiñ

vo ḳhafā the yūñhī ki ai qāsid
kuchh sabab bhī malāl kā niklā

ḳhvāhish-e-uqda-kushā.ī pe nadāmat kaisī
rasm-e-nāḳhun se ḳhafā band-e-qabā ho bhī chuke

laa.ī hai kahāñ mujh ko tabī.at kī do-rañgī
duniyā kā talabgār bhī duniyā se ḳhafā bhī

jaane kyuuñ un se milte rahte haiñ
ḳhush vo kyā hoñge jab ḳhafā hī nahīñ

pyāre abas hue ho 'jahāñdār' se ḳhafā
be-dil na ho tum aise dilī-ḳhair-ḳhvāh se

ahbāb se rakhtā huuñ kuchh ummīd-e-ḳhurāfāt
rahte haiñ ḳhafā mujh se bahut log isī se

tū bhalī baat se hī merī ḳhafā hotā hai
aah kyā chāhnā aisā hī burā hotā hai

thā ḳhafā mujh se bad-gumān bhī thā
aur vahī mujh pe mehrbān bhī thā

kyuuñ ḳhafā tū hai kyā kahā maiñ ne
mar kahā tū ne marhabā maiñ ne

itnā to batā jaao ḳhafā hone se pahle
vo kyā kareñ jo tum se ḳhafā ho nahīñ sakte