Tags-Khat

har ḳhushk-o-tar hastī pe raqam hai ḳhatt-e-jalī meñ naam tirā
har zarre meñ terā ma.abad har qatra tīrath dhaam tirā

terī peshānī kā har ḳhat māsiyat-ālūda hai
terā har iqdām nā-farjām hai ba-hūda hai

hai tasavvur bas-ki āñkhoñ meñ ḳhat-e-ruḳhsār kā
aa.ine kī tarah jauhar-dār āñkheñ ho ga.iiñ

hai yaad ḳhuftgān-e-zamīñ kā jo ḳhatt-e-sabz
bhūle se maiñ qadam nahīñ rakhtā giyāh par

pahle rakh le tū apne dil par haath
phir mire ḳhat ko paḌh likhā kyā hai

sabza-e-ḳhat ko dikhāyā na karo
tote hāthoñ ke uḌāyā na karo

vo rotī āñkhoñ kare chaak merī tasvīreñ
ik ek kar ke sabhī us ke ḳhat jalā.ūñ maiñ

kis ke bal par vo shoḳh hai maġhrūr
ḳhat-e-shab-rañg fauj-e-shām nahīñ

ḳhāl-o-ḳhat se aib us ke rū-e-aqdas ko nahīñ
husn hai mus.haf meñ honā nuqta-e-e.arāb kā

ḳhat ke purze aa.e haiñ qāsid kā sar tasvīr-e-ġhair
ye hai bhejā us sitamgar ne mire ḳhat kā javāb

maiñ agarche kar bhī chukā raqam idhar ek daftar-e-rañj-o-ġham
magar intizār hai dam-ba-dam mujhe pahle ḳhat ke javāb kā

pahuñchā ke ḳhat halāl huā hai ye ai 'sharaf'
āñkhoñ se le ke ḳhūn-e-kabūtar lagā.iye

purze mire uḌā.iye bhejā hai maiñ ne ḳhat
be-jurm kyuuñ kabāb-e-kabūtar lagā.iye

tār-e-malbūs meñ thī yā ḳhat-e-taqdīr meñ thī
haal khultā nahīñ yāqūb kī bīnā.ī kā

pinhāñ huā hai ḳhāl-e-ḳhat-e-mushk-bār meñ
miltā nahīñ hai DhūñDhe se naafā tatār meñ

qāsid to saaf kah dī mukaddar hai mujh se kyā
likhā jo naama yaar ne ḳhat-e-ġhubār meñ

kahiye vo la.al-e-lab ḳhat-e-mushkīñ meñ dekh kar
paidā huā hai la.al-e-badaḳhshāñ tatār meñ

kyuuñ muñh se boltā nahīñ niklā hai ab to ḳhat
darvāza band baaġh kā mat kar bahār meñ

mukarrar zindagānī kā mazā ho jā.egā hāsil
dam-e-āḳhir bhī qāsid le ke gur ḳhat kā javāb aayā

jis din us se baat huī thī us din bhī be-kaif thā maiñ
jis din us kā ḳhat aayā hai us din bhī vīrānī thī