Tags-Khat

ḳhud hī maiñ ḳhud ko likh rahā huuñ ḳhat
aur maiñ apnā nāma-bar bhī huuñ

juz dil surāġh-e-dard ba-dil-ḳhuftagāñ na pūchh
ā.īna arz kar ḳhat-o-ḳhāl-e-bayāñ na pūchh

mujhe shanāḳht karo mere shāhkāroñ meñ
maiñ ḳhāl-o-ḳhat se ziyāda hunar meñ rahtā huuñ

ḳhat use bhejnā zarūr magar
dost se ḳhvāhish-e-javāb abas

jise dekho vo ro.e jā rahā hai
maiñ tere ḳhat sunā.e jā rahā huuñ

na apnī baat na merā qusūr likkhā thā
shikāyatoñ se bharā ḳhat zarūr likkhā thā

hargiz na mujh se saaf huā yaar yā nasīb
ḳhat bhī likhā jo us ne to ḳhatt-e-ġhubār meñ

tahrīr-e-ḳhatt-e-jām se sab vā hue rumūz
ham uqda-e-miyān kī tadbīr kar ga.e

saare ḳhat ham jalā ke aa.e haiñ
yādoñ kā ab dhuāñ nahīñ hotā

tār-e-malbūs meñ thī yā ḳhat-e-taqdīr meñ thī
haal khultā nahīñ yāqūb kī bīnā.ī kā

kaifiyat iztirāb kī sī hai
tere ḳhat ke javāb kī sī hai

is ko pahlī baar ḳhat likkhā to dil dhaḌkā bahut
kyā javāb aa.egā kaise aa.egā Dar thā bahut

ḳhat likkhā hai lekin ḳhat ke kone par
vo hoñToñ se phuul banānā bhuul gayā

yahāñ the to 'sarshār' kyā kuchh na the
ga.e vo to ḳhat bhī na bhejā gayā

āñsuoñ se likhā hai ḳhat un ko
paḌh vo pā.eñge ye ibārat kyā

ḳhat likkhūñ tumheñ yaad karūñ Thiik hai lekin
kyā Thiik mire dil ko qarār aa.e na aa.e

daulat-e-dil tum to hāzir hai
ḳhatt-e-ezār tamassuk kar do

jab ḳhat meñ tum likh detī ho kuchh haal apnī bīmārī kā
maiñ baiTh ke tanhā.ī meñ jaane kyā kyā sochā kartā huuñ