Tags-Khoon

udāsī ḳhuun meñ ghul jā.egī phir
use tū chaa.e kī pyālī meñ mat rakh

vahī hai fazl-e-ḳhudā se ab tak taraqqi-e-kār-e-husn o ulfat
na vo haiñ mashq-e-sitam meñ qāsir na ḳhūn-e-dil kī yahāñ kamī hai

dekhiye vo hinduoñ meñ valvale bajrañg ke
vo musalmānoñ meñ josh-e-ḳhūn-e-haidar dekhiye

ḳhuun meñ tar-ba-tar rahā mirā naam
har zamāne kā sach rahā huuñ maiñ

vaqt kā ḳhūn-e-rā.egāñ huuñ magar
ḳhushk lamhoñ meñ rach rahā huuñ maiñ

mujh ko nāhaq halāl karte hai
ḳhuun ye be-qusūr hotā hai

aadmī jab ḳhuun kā pyāsā huā
azmat-e-insān bhī dhokā huā

ḳhudā-e-bartar tirī zamīñ par zamīñ kī ḳhātir ye jañg kyuuñ hai
har ek fat.h-o-zafar ke dāman pe ḳhūn-e-insān kā rañg kyuuñ hai

chāñd kyuuñ abr kī us mailī sī gaThrī meñ chhupā thā
ḳhuun se luthḌī huī raat ke rahgīroñ ne do zaanū pa gir kar,

jur.at-e-parvāz ke anjām se vāqif huuñ maiñ
ḳhuun meñ Duubā huā ye bāl-o-par dekheñge log

ab hujra-e-sūfī meñ vo faqr nahīñ baaqī
ḳhūn-e-dil-e-sherāñ ho jis faqr kī dastāvez

sub.h uTh kar āñsuoñ se ḳhuun ke rotā huuñ maiñ
dil ke naqshe meñ vafā kā rañg bharne ke liye

sairāb kar sakā na use merā ḳhuun bhī
kuchh tishnagī-e-dār-o-rasan aur baḌh ga.ī

raat fasīl-e-shahr meñ ek shigāf kyā milā
ḳhuun kī ik lakīr sī sub.h nazar nazar meñ thī

dhanak jalī thī fazā ḳhuun se munavvar thī
mire mizāj kā ik rañg āsmān meñ thā

isī tarah ḳhūn-e-dil se tū chaman ko sīñchtā jā
ye ḳhizāñ 'shamīm' jab tak ki bahār ho na jaa.e

ḳhuun kar ke dil hamārā phir ga.ī vo mast aañkh
ek hī chullū meñ niyyat bhar ga.ī mai-ḳhvār kī

murda ragoñ meñ ḳhuun kī garmī kahāñ se aa.ī
thī shāḳh sabz phuul meñ surḳhī kahāñ se aa.ī

ġhurūb-e-mehr pe kis ne lahū chaḌhāyā hai
ye kis ne ḳhuun jalāyā hai raushnī ke liye

umr ke fāsle tai kar na sakā jazba-e-shauq
ḳhūn-e-dil kuchh bhī nahīñ qalb-e-tapāñ kuchh bhī nahīñ