Tags-Khoon

larzāñ tarsāñ bar-sar-e-mizhgāñ ḳhuun ke aañsū haiñ 'tāriq'
sham-e-farozāñ shahr meñ le kar ḳhūnī manzar dekhā hai

ye tajraba bhī gardish-e-hālāt se huā
kaise saped hotā hai har āshnā kā ḳhuun

hālāt ke asiir hue masḳh ho ga.e
chehre pe jin ke dauḌtā thā nāzukī kā ḳhuun

jahāñ purkhoñ ke sajdoñ ke nishāñ haiñ
vo galiyāñ ḳhuun se kyuuñ dho rahe ho

ḳhanda-e-gul se sadā-e-nāla aatī hai mujhe
ḳhūn-e-bulbul se magar sīñchī ga.ī haiñ kyāriyāñ

ashk ho kar bahā ki ḳhuun huā
kyā huī hālat-e-jigar ai dil

jo qatl-o-ḳhūn kī āñdhī chalī to thamtī kyā
sabhī sharīk the bastī ke log sāzish meñ

ḳhuun ḳhud shauq o tamannā kā kiyā hai maiñ ne
apnī tasvīr ko ik rañg diyā hai maiñ ne

vo nā-farmāñ banā ḳhūn-e-jigar se mai na pī uzlat
kabāb-e-dil kī bū aatī hai har pyāle se juuñ laalā

rulātī haiñ mirī yādeñ hamesha ḳhuun ke aañsū
kisī nādār pe guzrā huā ik hādsa huuñ maiñ

yuuñ badan meñ ḳhuun ko azm-e-safar kā ho junūñ
dil ke dariyā meñ vo phir paidā bhañvar karne lage

is junūñ kā is se behtar aur kyā hogā sila
ham ḳhud apne ḳhuun se dāman ko tar karne lage

yaaro merā kyā hai kaf-e-qātil kī ra.anā.ī dekho
ḳhuun hī kyuuñ ho rañg-e-hinā ho ye bhī to ho saktā hai

ḳhaak hone ko hazāroñ hasrat
ḳhuun hone ko haiñ armān bahut

hazār baar kiyā ḳhūn-e-ārzū ham ne
jabīn-e-dahr pe phir bhī rahe shikan kī tarah

ḳhūn-e-dil se dur-e-shahvār kiye haiñ paidā
maiñ ne har ahd maiñ fankār kiye haiñ paidā

tirā dast-e-hinā.ī dekh kar mujh ko ḳhayāl aayā
maiñ apne ḳhuun se lafzoñ ke gul-pāre banātā huuñ

aañkh patthar kī tarah aks se ḳhālī hogī
ḳhūn-e-nāhaq kī magar jism pe laalī hogī

ruḳh pe jo tere shafaq khilī hai ḳhuun hai mere ḳhvāboñ kā
kahe tū ai shām-e-tanhā.ī tujh se lipaT kar ro luuñ maiñ

vaqt kī navāzishoñ ne ḳhuun kar diyā safed
sargirāñ the ham guloñ se rañg judā kaise ho