Tags-Khoon

bharā hai ne.amat-e-alvāñ se gul kā ḳhvān go 'hasrat'
kare har sub.h uTh kar ḳhūn-e-dil se nāshtā bulbul

ham āb-bardosh Dā.inoñ ke gale meñ kāñTe utaar deñge
ki un ke hoñToñ se ḳhuun barse kuchh aisī shiddat kī pyaas deñge

maidāñ meñ ek fard bhī zinda na mil sakā
shab-ḳhūn us ne āḳhirī maarā bahut ġhalat

is kisht-e-dil se is ke dil-e-reg-zār tak
bahne lagā hai ḳhuun kā dhārā bahut ġhalat

television ahd-e-hāzir kā ik aflātūn hai
lag gayā hai jo hamāre muñh ko ye vo ḳhuun hai

baiThe rahe vo ḳhūn-e-tamannā kiye hue
dekhā kiye unheñ nigah-e-iltijā se ham

ḳhūn-e-ushshāq hai ma.ānī meñ
shauq se paan khā.iye sāhab

ragoñ meñ ḳhuun kī hiddat se ḳhushk-sālī hai
maiñ us ravānī ko rasm-e-jumūd sauñptā huuñ

giregā zamīñ pe na ḳhūn-e-shahīdāñ
abas aap dāman uThā.e hue haiñ

havā kuchh aisī chalī ḳhuun ko nishāñ na milā
ġhubār-e-rāh ko taktā huuñ maiñ ġhubār mujhe

amn kī pothī juzdānoñ meñ hāthoñ meñ hathiyār
gāñdhī ke is des meñ sastā ḳhuun hai mahñgā pyaar

ḳhūn-e-nāhaq rahā parvez kī gardan pe vale
lutf-e-shīrīñ ne sitam ye kiyā farhād ke saath

vahī shaq jigar na siyo siyo vahī ziist hai na jiyo jiyo
vahī ḳhūn-e-dil na piyo piyo vahī baada hai vahī jaam hai

surḳhiyāñ ḳhuun meñ Duubī haiñ sab aḳhbāroñ kī
aaj ke din koī aḳhbār na dekhā jaa.e

har be-navā faqīr ko dete haiñ ḳhūn-e-dil
har ḳhush-navā faqīr ke nāloñ se ishq hai

hādse jin par mo.arriḳh kī zabāñ khultī nahīñ
shahr kī dīvār par ham ḳhuun se likhte rahe

ḳhuun merā rā.egāñ nāhaq bahāte haiñ huzūr
karnī hai rañg-e-hinā kī pesh-dastī ek din

dil andarūn-e-sīna magar ho gayā hai ḳhuun
nikle haiñ merī ā.ankhoñ se jo ashk surḳh rañg

bū-e-ḳhūñ dete haiñ shīrīñ tire mehñdī lage haath
haath meñ laale ke ḳhūn-e-sar-e-farhād nahīñ

sarf jab tak na ḳhūn-e-dil ho 'jalīl'
rañg par shā.erī nahīñ aatī