Collections

Lab Shayari

Motivational Ghazals

Best Khamoshi Shayari

More Collections

Tags-Khoon

ḳhud apne-āp ko chhūne kā hausla na rahā
ki mere jism pe merā hī ḳhuun phailā thā

bas ek hijr ke mausam ka rang gahra tha

duur tak kaale dhueñ meñ ḳhuun kī bū tairtī
tairtī aur marsiye likhtī havā par duur tak

ek jaise nim-jaan mahaul-o-manzar dur tak

apne dil ke ḳhuun se vo gul khilā detā huuñ maiñ
regzāroñ ko gulistāñ kī adā detā huuñ maiñ

yun dil-e-diwana ko aksar saza deta hun main

ḳhuun bhī dekhne se Dartī haiñ
ab nahīñ aur taab āñkhoñ meñ

nind hai aur na KHwab aankhon mein

utre na kis tarah mirī āñkhoñ meñ ḳhuun 'shād'
detā mujhe dikhā ke hai paan aur kī taraf

humse do-chaar bazm mein dhyan aur ki taraf

vo kyuuñ masrūr hotā hai hamārā ḳhuun bahne se
sar-e-haq kis liye zālim tah-e-shamshīr kartā hai

numayan jab wo apne zehn ki taswir karta hai

matā-e-lauh-o-qalam chhin ga.ī to kyā ġham hai
ki ḳhūn-e-dil meñ Dubo lī haiñ uñgliyāñ maiñ ne

mata-e-lauh-o-qalam chhin gai to kya gham hai

unheñ muḳhtār ban kar bekasī ke ḳhuun kī maujeñ
hisār-e-marg ne mahsūr kar liiñ jañg jo faujeñ

aaKHiri raat

qatra-e-ḳhūn-e-zaḳhm-e-parvāna
qashqa-e-tāza-e-jabīn-e-sham.a

soz-e-parwana nur-e-din-e-shama

jab ḳhuun ho chukā dil-e-hastī-e-etibār
kuchh dard bach rahe jinheñ insāñ banā diyā

hijr-o-visal-e-yar ka parda uTha diya

kisī ke ḳhūn-e-nāhaq kī hai surḳhī
rañgeñgī dast-e-qātil ko hinā ḳhaak

gudaz-e-dil se parwana hua KHak

ye zaḳhm riste haiñ mere qalam zarīya hai
gumān ḳhuun kā honā hī hai siyāhī pe

koi yaqin kare kyon kisi gawahi pe

vahshat hai bahut ḳhuun meñ 'nusrat' isī Dar se
sahrā kī taraf jā ke Tahalne kī nahīñ huuñ

honi hun kisi haal mein Talne ki nahin hun

tum ḳhūn-e-tamannā ko mire laakh chhupāo
ik roz zamāne ko ḳhabar ho ke rahegī

duniya-e-sitam zer-o-zabar ho ke rahegi

vo bād-e-sard kī be-mehr tezī hai
ki ḳhūn-e-dil bhī ab kuchh munjamid ma.alūm hotā hai

pat-jhaD

az-bas-ki ḳhuun dil kā khātā hai josh har dam
mushkil huā hai ham ko iḳhfā-e-rāz karnā

aasan nahin hai tanha dar us ka baz karna

zarf shāmil hai hamāre ḳhuun meñ
ye tumhārī kam-nigāhī kuchh nahīñ

KHwahishon ki baadshahi kuchh nahin

abhī to ḳhuun kā sindūr hī lagāyā hai
abhī kare hai vo kyā kyā siñgār dekho to

baDi talab thi baDa intizar dekho to

jatan kartā to huuñ lekin ye bīmārī nahīñ jaatī
jo mere ḳhuun meñ shāmil hai ḳhud-dārī nahīñ jaatī

jatan karta to hun lekin ye bimari nahin jati

nikal jaatā hai jī har aarzū par
pa.e-ḳhūn-e-javānī meñ javāñ huuñ

KHushi mein bhi nawa-sanj-e-fughan hun