Tags-Khoon

ai 'sāz' mire dil meñ ab jaan nahīñ baaqī
go ḳhuun kā rag rag meñ daurān mukammal hai

mar ga.e ġham siiñ tumhāre ham piyā
kab talak ye ḳhūn-e-ġham khānā sajan

chhuptā hai ḳhuun bhī kahīñ muTThī to kholiye
rañgat yahī hinā kī yahī bū hinā kī hai

mujh se to kisī se bair na thā duniyā mire ḳhuun kī pyāsī hai
maqtal kī taraf se jo guzrā ik haath lahū meñ saan liyā

tū kahānī ke badalte hue manzar ko samajh
ḳhuun rote hue kirdār kī jānib mat dekh

ḳhuun ho kar to ye dil aañkh se barsoñ Tapkā
na koī par dil-e-nākām kā armāñ niklā

mirā ye ḳhuun mire dushmanoñ ke sar hogā
maiñ dostoñ kī hirāsat meñ maarā jā.ūñgā

ḳhūn-e-āshiq se vo zah-e-dāman
dam-e-shamshīr vaar phir chamkī

namak-harāmī mādda hai jo
ḳhuun meñ paayā jā saktā hai

ragoñ se ḳhuun saarā zahr ban kar phuuT niklegā
zarā ai 'josh' zabt-e-shauq se hushyār ho jaanā

qātil kā haath aaj ḳhudā ke hai rū-ba-rū
dast-e-duā bhī ḳhuun kā sāġhar lagā mujhe

ḳhūn-e-dil yaañ vaqf-e-mizhgāñ hī rahā
ġham tirā dast-o-garebāñ hī rahā

tīr-o-shamshīr se baḌh kar hai tirī tirchhī nigāh
saikḌoñ āshiqoñ kā ḳhuun kiye baiThī hai

mere ḳhuun kī surḳhī surḳhī-e-vafā Thahrī
jis se rū-e-qātil bhī surḳh-rū banā sā hai

bikhrā bikhrā hastī kā shīrāza hai
dīvāroñ par ḳhuun abhī tak taaza hai

bāġh-o-mai chāñdnī aur vasl-e-parī hai mujh ko
piite haiñ mere adū ḳhūn-e-jigar aaj kī raat

muñh laal huā ġhuncha-sifat ḳhūn-e-jigar se
hāthoñ se tire paan na khāyā to huā kyā

rañg-e-shafaq meñ ḳhūn-e-shahīdāñ hai jalva-gar
apne aziim mulk kī sauġhāt le chaleñ

kaun sī chiiz girānī kī bulandī pe nahīñ
ḳhūn-e-nāhaq magar is daur ne sastā rakkhā

mujhe ta.avīz likh do ḳhūn-e-āhū se ki ai syāno
taġhāful ToTkā hai aur jaadū hai nazar us kī