Tags-Khoon

surḳhī-e-ḳhūn-e-tamannā ābrū-e-ishq hai
ārzūoñ kā lahū rañg-e-bayāñ hone to do

talvār kis ke ḳhuun meñ sar Duub hai tirī
ye kis ajal-rsīda ke ghar par sitam huā

kāñch ke ye chamkīle TukḌe āḳhir ḳhuun rulāte haiñ
dil se sachchī chiiz na bāñTo un jhūTe dil-dāroñ meñ

abhī dimāġh pe qahbā-e-sīm-o-zar hai savār
abhī rukī hī nahīñ tesha-zan ke ḳhuun kī dhaar

ḳhūn-e-dil par hai abas rashk tirī mehñdī ko
apnī hī aag meñ ham ne use jalte dekhā

yahī āñkheñ haiñ ki jin meñ nahīñ ab naam ko ashk
inhīñ āñkhoñ se kabhī ḳhuun ubalte dekhā

ḳhuun ke daaġh chaTānoñ pe jo paa.e haiñ 'nushūr'
chuum kar lāla-e-kuhsār kiyā hai ham ne

kāfir ho ai sanam jo ḳharīde na tū use
mehñdī ke mol ḳhūn-e-musalmāñ hai in dinoñ

shāḳh-e-gulzār ke saa.e meñ kahāñ dam liije
ki yahāñ ḳhuun kā sail-e-guzarāñ hotā hai

fusūn-e-shauq baḌh kar ho gayā afsāna-e-rañgīñ
jigar kā ḳhuun jab hal ho gayā ashkoñ ke paanī meñ

fariyād thī chakīda-e-ḳhūn-e-gulū tamām
naġhma bhī ham-safīr thā kār-e-hazīñ bahut

qātil kā mil sakā na bhare shahr meñ surāġh
har chand merā ḳhuun thā phailā shafaq shafaq

ḳhūn-e-ushshāq se jaam bharne lage dil sulagne lage daaġh jalne lage
mahfil-e-dard phir rañg par aa ga.ī phir shab-e-ārzū par nikhār aa gayā

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

ho gayā dahshat se aisā bismiloñ kā ḳhuun ḳhushk
ek bhī dhabbā lahū kā teġh-e-qātil meñ nahīñ

ḳhūn-e-nāhaq kā hamāre daaġh miTne kā nahīñ
teġh meñ hogā agar dāmān-e-qātil meñ nahīñ

terī fitrat jo darindoñ sī nazar aatī hai
kaun sā rañg kiyā ḳhuun meñ shāmil tū ne

ḳhuun kā nashsha chaḌhā to jism zahrīlā huā
ḳhvāhishoñ ke pāniyoñ meñ saañp lahrāne lage

vo jis ne ḳhuun se sīñchā thā is chaman ko 'zakī'
ḳhilāf us ke hī mahzar hai kyā kiyā jaa.e

ḳhuun ke chhīñTe kahīñ pūchh na leñ rāhoñ se
kis ne vīrāne ko gulzār banāyā hogā