Tags-Khoon

zikr shabbīr se nikal aayā
ḳhuun tahrīr se nikal aayā

yahāñ ek bachche ke ḳhuun se jo likhā huā hai use paḌheñ
tirā kīrtan abhī paap hai abhī merā sajda harām hai

ḳhūn-e-hasrat hai kahāñ aur ye ezaaz kahāñ
ai hinā tujh meñ ye tauqīr kahāñ se aa.ī

thuuk de ḳhuun jaan le vo agar
ālam-e-tark-e-mudda.ā merā

jalva-e-gul ne kiyā thā vaañ charāġhāñ aabjū
yaañ ravāñ mizhgān-e-chashm-e-tar se ḳhūn-e-nāb thā

na tan meñ ḳhuun farāham na ashk āñkhoñ meñ
namāz-e-shauq to vājib hai be-vazū hī sahī

maiñ ne apnī ḳhvāhishoñ kā qatl ḳhud hī kar diyā
haath ḳhūn-ālūd haiñ in ko abhī dhoyā nahīñ

ḳhuun rulvā.egī ye jañgal-parastī ek din
sab chale jā.eñge ḳhālī kar ke bastī ek din

haañ maiñ 'ġhāzī' huuñ mire fan kā taqāzā hai yahī
ḳhuun ro.e jo paḌhe vo bhī kahānī likkhūñ

mere ḳhāme ko ye taufīq atā kar yārab
ḳhuun ko ḳhuun likhūñ paanī ko paanī likkhūñ

jis ne ghar ke bāġhīche ko apne ḳhuun se sīñchā
chhoḌ gayā jab is kā maalī aañkh meñ aañsū aa.e

tum ne ārā.ish-e-gulistāñ ke liye ham se kuchh ḳhuun māñgā thā muddat huī
tum se ḳhairāt to ham nahīñ māñgte ham ko is ḳhuun kā ḳhūñ-bahā chāhiye

aah ye barsāt kā mausam ye zaḳhmoñ kī bahār
ho gayā hai ḳhūn-e-dil āñkhoñ se jaarī in dinoñ

TukḌe jigar ke hoñ ki Tapaktā ho ḳhūn-e-dil
unvāñ jo tum nahīñ to tumheñ dāstāñ se kyā

na sī chashm-e-tama ḳhvān-e-falak par ḳhām-dastī se
ki jām-e-ḳhūn de hai har sahar ye apne mehmāñ ko

maiñ naqsh-hā-e-ḳhūn-e-vafā chhoḌ jā.ūñgā
ya.anī ki rāz-e-rañg-e-hinā chhoḌ jā.ūñgā

shāmil hai mirā ḳhūn-e-jigar terī hinā meñ
ye kam ho to ab ḳhūn-e-vafā saath liye jā

ḳhūn-e-nāhaq hai ye are tauba
sub.h ġhunchoñ kā shaam phūloñ kā

ab kaun jā ke sāhib-e-mimbar se ye kahe
kyuuñ ḳhuun pī rahā hai sitamgar sharāb pī

zulmat māregī shab-ḳhūn
raushniyoñ kī le kar aaḌ