Tags-Khoon

tujh sā hasīñ aur ḳhūn-e-mohabbat
vahm hai shāyad surḳhi-e-dāman

ek se jazbe ḳhuun meñ surḳhī ek hī thī
des judā the pyaar currency ek hī thī

mujhe ḳhuun aanā band ho ga.e the aur sab ke haath duāoñ ke liye uTh chuke the
aur phir sab ke haath gir ga.e kyūñki vo ro rahī thī

maiñ bārah saal kī thī jab mujhe pahlī dafa ḳhuun aayā
daadī baabā sab ke kañdhe izāfī bojh se jhuk ga.e kyūñki maiñ ro rahī thī

phir ek din mere bhaa.ī ne ek ḳhuun kar diyā maiñ vinnī ho ga.ī aur sabhī chup rahe
sabhī chup rahe aur maiñ rotī rahī

kuchh to junūñ ko apne taġhayyur karnā thā
ḳhūn-e-jigar hī bah niklā aañsū ban kar

is bad-dimāġh dil ne kiyā zabt kā bhī ḳhuun
ye sirf vārdāt hai ham ro nahīñ rahe

dhartī kī sulagtī chhātī se bechain sharāre pūchhte haiñ
tum log jinheñ apnā na sake vo ḳhuun ke dhāre pūchhte haiñ

bādaloñ ke ḳhuun se chipkī huī is shaam meñ
uḌ rahe the

ḳhūn-e-dil khāne se kuchh inkār hai
jab nahīñ ai lazzat-e-ġham khā.eñ kyā

dil-e-pur-ḳhūñ jo jaam hai merā
ḳhuun sharb-e-mudām hai merā

zulm phir zulm hai baḌhtā hai to miT jaatā hai
ḳhuun phir ḳhuun hai Tapkegā to jam jā.egā

ḳhuun kā rañg hai us pe bhī shafaq kī sūrat
ḳhāk-dar-ḳhāk nikhartā hī chalā jaatā hai

husn vo TūTtā nashsha ki mohabbat māñge
ḳhuun rotā hai mire haal pa hañsne vaalā

yā tire mohtāj haiñ ai ḳhūn-e-dil
yā inhīñ āñkhoñ se dariyā bah ga.e

misr fir.aun kī tahvīl meñ aayā huā hai
ḳhuun paanī kī jagah niil meñ aayā huā hai

ham ne maiḳhāne kī taqdīs bachā lī hotī
koī botal to yahāñ ḳhuun se ḳhālī hotī

zamīñ se āsmāñ tak chhā rahī hai ḳhuun kī surḳhī
chhupā hai ḳhair ke parde meñ bhī shar ādamiyoñ kā

kabhī to rañg lā.egā kabhī to gul khilā.egā
ham apnā ḳhuun sarf-e-gulshan-e-ījād karte haiñ

baḌhte baḌhte ho gayā nāsūr dil
ḳhuun kā qatra jo dil meñ jam rahā