Tags-Khuda

roz puujā ke liye phuul sajātā hai 'salām'
jaane kab us kā ḳhudā sū-e-zamīñ aa.egā

ham apne vaqt ke aaqā ham apne daur ke shaah
magar ḳhudā na kare apnī pesh-e-yār chale

qalb kī gahrā.iyoñ meñ sirf terā aks hai
dekh le kyā kah rahā huuñ maiñ ḳhudā ke sāmne

ai bazm-e-suḳhan terā aise meñ ḳhudā-hāfiz
palkeñ vo jhukī sī haiñ 'mānī' bhī ġhazal-ḳhvāñ hai

junūñ nahīñ hameñ pīchhe lageñ jo duniyā ke
ḳhudā ke bande haiñ ham banda-e-shikam to nahīñ

ḳhudā kā ghar hai mirā dil yahāñ sanam to nahīñ
ye mai-kada to nahīñ hai ye kuchh haram to nahīñ

dil-e-marhūm ko ḳhudā baḳhshe
ek hī ġham-gusār thā na rahā

aap aur ahd-e-pur-vafā kiije
tauba tauba ḳhudā ḳhudā kiije

koī miltā nahīñ ḳhudā kī tarah
phirtā rahtā huuñ maiñ duā kī tarah

terī furqat ke din ḳhudā kaaTe
ho rahegā kabhī visāl kā kyā

be-rū-e-yār o mutrib o abrū bahār o baaġh
'hātim' ke ta.iiñ kabhī na pilā.e ḳhudā sharāb

muddat se aarzū hai ḳhudā vo ghaḌī kare
ham tum piyeñ jo mil ke kahīñ ek jā sharāb

shab-o-roz lab pe hai ai 'vafā' ye duā ki maut hī de ḳhudā
jo yahī hai mere nasīb meñ ki asīr-e-dām-e-balā rahūñ

do-ghaḌī hañs ke baat kar ham se
phir ḳhudā jaane ham kahāñ hoñge

vo chāhe baḳhsh de zillat ki sarfarāz kare
bas ik yaqīñ hai jo ham ne ḳhudā meñ rakkhā hai

jo mehrbāñ hai to kyā mehrbāñ ḳhafā to ḳhafā
kabhī kabhī to vo bilkul ḳhudā dikhā.ī de

āḳhir insān huuñ patthar kā to rakhtā nahīñ dil
ai buto itnā satāo na ḳhudā-rā mujh ko

yaad aatā hai ḳhudā pal pal pal
aisī hālat meñ ibādat kaisī

butān-e-hind mire dil meñ haiñ dar aa.e hue
ḳhudā ke ghar ko ghar apnā haiñ ye banā.e hue

nazroñ se kyā girā.eñge 'tāhir' adū mujhe
fazl-e-ḳhudā se dast-e-ḳhudā dast-gīr haiñ