Tags-Khuda

jiine meñ iḳhtiyār nahīñ varna ham-nashīñ
ham chāhte haiñ maut to apnī ḳhudā se aaj

thī ḳhudā kī shirkat bhī varna bojh nafrat kā
kis tarah uThā paa.e shaiḳh-o-barahman tanhā

ek ḳhudā ne sab ko banāyā
us kā sab ke sar par saayā

tabīb dekh ke mujh ko davā na kuchh bolā
ḳhudā ko sauñp do is ke sivā na kuchh bolā

nāḳhudā ho ki ḳhudā dekhte rah jaate haiñ
kashtiyāñ Dūbtī haiñ us ke makīñ Dūbte haiñ

bahār-e-āriz-e-gulgūñ tujhe ḳhudā kī qasam
vo sub.h mere liye bhī ki jis kī shaam na ho

sunā to hai ki mohabbat pe log marte haiñ
ḳhudā kare ki mohabbat tumhārā naam na ho

tūfān zalzala kabhī sailāb aa gayā
pur-amn to ḳhudā bhī hukūmat na kar sake

husn vāloñ ko zid aa jaa.e ḳhudā ye na kare
kar guzarte haiñ jo kuchh jī meñ Thanī hotī hai

naza.a meñ 'fānī' tū ne ye kis kā chupke chupke naam liyā
kyuuñ o kāfir terī zabāñ par ab bhī ḳhudā kā naam nahīñ

ḳhudā pe chhoḌ do ye kal koī paḌhe na paḌhe
na.ī ġhazal ke liye qāfiye talāsh karo

lutf o karam ke putle ho ab qahr o sitam kā naam nahīñ
dil pe ḳhudā kī maar ki phir bhī chain nahīñ ārām nahīñ

zahe-qismat ḳhudā ne zabt kī tāqat mujhe dī hai
haqīqat meñ mirā ashkoñ se dāman nam nahīñ hotā

nā-ḳhudā ye donoñ sāhil ek hī dariyā ke haiñ
ye kināra mil gayā yā vo kinārā mil gayā

piyāre Dar ḳhudā se apnī āñkheñ
hamārī tarf se itnī na kar band

saañp jab jhuuT ke duniyā meñ bahut ho jaa.eñ
dast-e-mūsā meñ ḳhudā sach kā asā bhejtā hai

chitvan kī kahūñ ki ishārāt kī garmī
hai nām-e-ḳhudā us meñ har ek baat kī garmī

maiñ ye to nahīñ kahtā ki bashar dāva-e-ḳhudā.ī kar baiThe
phir bhī ġham-e-ishq se insāñ meñ kuchh shān-e-ḳhudā aa jaatī hai

ḳhayāloñ meñ bhī akasr chauñk uThā huuñ
ḳhudā jaane maiñ kyā kyā sochtā huuñ

kahīñ dekhā hai is hai.at kā ma.ashūq
nazar kiijo muslimānāñ! ḳhudā-rā