English
Favourite
Favourite
UrduShayarUrduShayar
Expand menu
Sign inAccount

Tags-Khuda

vo mujh pe karam-farmā hogā ki nahīñ hogā
yā us ko ḳhudā jaane yā merī qazā jaane
Ghazal
 jitne the tere jalwe sab ban gae but-KHane
ye sach hai ki bande ko ḳhudā dahr meñ yuuñ to
maanā nahīñ jaatā hai magar maan rahe haiñ
Ghazal
 hum un ke sitam ko bhi karam jaan rahe hain
baḌh chalī hai bahut hayā terī
mujh ko rusvā na kar ḳhudā ke liye
Sher
 baDh chali hai bahut haya teri
ḳhudā rakkhe mire dāman meñ hai ik phuul aisā bhī
khaTaktā hai jo kāñTe kī tarah chashm-e-gulistāñ meñ
Ghazal
 azal ke din jinhen dekha tha bazm-e-husn-e-pinhan mein
har ik tār-e-garebāñ hāsil-e-sad-barq-e-aiman hai
ḳhudā-ma.alūm kitne husn haiñ chāk-e-garebāñ meñ
Ghazal
 azal ke din jinhen dekha tha bazm-e-husn-e-pinhan mein
yahīñ kahīñ se vo āvāz de rahā hai magar
navāh-e-jāñ meñ mirā nā-ḳhudā kab aa.egā
Ghazal
 qarar-e-gud-shuda mere KHuda kab aaega
qarār-e-gud-shuda mere ḳhudā kab aa.egā
mirī duāoñ meñ rañg-e-duā kab aa.egā
Ghazal
 qarar-e-gud-shuda mere KHuda kab aaega
dil shādmāñ ho ḳhuld kī bhī aarzū na ho
gar tū mile ḳhudā kī mujhe justujū na ho
Ghazal
 dil shadman ho KHuld ki bhi aarzu na ho
nahīñ maiñ 'mīr' ke dar par kabhī nahīñ jaatā
mujhe ḳhudā se ġhazal kā kalām lenā hai
Ghazal
 falak se chand sitaron se jam lena hai
kise ḳhabar ki farishte ġhazal samajhte haiñ
ḳhudā ke sāmne kāfir kā naam lenā hai
Ghazal
 falak se chand sitaron se jam lena hai
bechain ho ke farsh pe lag jā.egī jo aañkh
chaliye ḳhudā ke vāste pyāre palañg par
Ghazal
 sote hain phail phail ke sare palang par
darvāza go khulā hai ijābat kā par 'hasan'
ham kis kis aarzū ko ḳhudā se talab kareñ
Sher
 darwaza go khula hai ijabat ka par hasan
ḳhudā tujh ko sunñe kī taufīq de
mirī ḳhāmushī merā iz.hār hai
Ghazal
 kahani mein chhoTa sa kirdar hai
kyā zid hai mire saath ḳhudā jaane vagarna
kaafī hai tasallī ko mirī ek nazar bhī
Ghazal
 gul phenke hai auron ki taraf balki samar bhi
ā.īna-e-vahdat hai dil-e-sāf hamārā
kis but meñ nazar shān-e-ḳhudā ko nahīñ dekhā
Ghazal
 kyun kahte ho kya meri jafa ko nahin dekha
ā.īna-e-kaunain haiñ donoñ mirī āñkheñ
tum ko nahīñ dekhā ki ḳhudā ko nahīñ dekhā
Ghazal
 kyun kahte ho kya meri jafa ko nahin dekha
mirī fitrat haqīqat-āshnā ma.alūm hotī hai
nazar paḌtī hai jis shai par ḳhudā ma.alūm hotī hai
Ghazal
 meri fitrat haqiqat-ashna malum hoti hai
tujh ko pahchān leñ yā tujh ko ḳhudā kah baiTheñ
apne dīvānoñ ko itnā bhī ḳhirad-mand na kar
Ghazal
 KHak-e-aghyar se yarab mujhe paiwand na kar
kyā ḳhudā jaane mire dil ko huā tere ba.ad
na ḳhushī is meñ Thahartī hai na ġham rahtā hai
Ghazal
 dil mein wo shor na aankhon mein wo nam rahta hai
chūñki karam pe ham tire shubha na kar sake
bas ai ḳhudā gunāh se tauba na kar sake
Ghazal
 dast-e-talab daraaz ziyaada na kar sake
Top Urdushayar.com