Tags-Ada

jyuuñ 'sirāj' us sham.a-rū par dil kuuñ hai milne kā shauq
farz-e-ain-e-āshiqī siiñ ab adā ho jā.egā

'zulfī' jo mere tarz-e-adā kā asiir hai
vo kaash mere sher kā jaadū bhī dekh le

mujh ko sādāt kī nisbat ke sabab mere ḳhudā
ājizī denā takabbur kī adā mat denā

maiñ vo ġharīb ki huuñ chand be-sadā alfāz
adā huī na koī baat bhī qarīne se

vafā jab zinda hotī hai jafā dam toḌ detī hai
sitamgar kī har ik zālim adā dam toḌ detī hai

ham ne har baar dar-e-dil kholā
hādse terī adā se guzre

ohde se mad.h-e-nāz ke bāhar na aa sakā
gar ik adā ho to use apnī qazā kahūñ

kuchh is adā se chale bād-e-barg-rez ḳhizāñ
ki duur tak saf-e-ashjār be-samar ho jaa.e

ghabrā na sitam se na karam se na adā se
har moḌ yahāñ raah dikhāne ke liye hai

ye arz-e-shauq hai ārā.ish-e-bayāñ bhī to ho
adā-shanās to hai aañkh ḳhūñ-chakāñ bhī to ho

javānī ne diye haiñ un ko lā kar ham-nashīñ kyā kyā
adā meñ naaz chitvan meñ hayā āñkhoñ meñ mastī hai

koī ḳhadsha hai na tūfān balā kuchh bhī nahīñ
ab na ġhamza hai na andāz-o-adā kuchh bhī nahīñ

hoñToñ ko phuul aañkh ko baada nahīñ kahā
tujhko tirī adā se ziyāda nahīñ kahā

sar-e-bahisht ġhazal kausar-e-mohabbat meñ
uTho ki qarz adā tishnagī ke ho jaa.eñ

ġhurūr-e-husn bhī mere liye juzv-e-adā dā.ere
mirā ehsās bhī tere liye pindār ho jaa.e

tum phir usī adā se añgḌā.ī le ke hañs do
aa jā.egā palaT kar guzrā huā zamāna

farebī āñkheñ rasīlī chitvan adā ishāra nigāh rahzan
ye apne do tiin haiñ jo dushman nazar meñ anjum taḌe hue haiñ

ye kis kāfir-adā kā jalva-e-ma.asūm dekhā hai
'ra.īs' ab tak mirī nazroñ kī hairānī nahīñ jaatī

be-sabab ishq kab udaas rahā
vo tumhārā adā-shanās rahā

ye zamīñ hai ḳhudāoñ kā madfan
ādam-e-kaj-adā nahīñ ruktā