Tags-Ada

dard-e-hastī kī davā kar leñ ḳhulūs-e-dil se
aao ik farz adā kar leñ ḳhulūs-e-dil se

maiñ kisī roz dikhā.ūñ dil-e-sad-chāk-adā
tujh ko mālūm to ho kyā tirī añgḌā.ī hai

ye bhī mushtāq-adā vo bhī tamannā.ī hai
khiñch ke duniyā tire kūche meñ chalī aa.ī hai

vāqif kab thā pyaar se pahle lekin 'zākir' pyaar ke ba.ad
qismat rekhā husn-o-adā aur nāz-o-jafā sab jaan liyā

saaf karte haiñ abhī ġhair ye vo teġh-e-adā
dost aa ke mujhe paiġhām-e-qazā dete haiñ

us ke shikasta vaar kā bhī rakh liyā bharam
ye qarz ham ne zaḳhm kī sūrat adā kiyā

fazā ke siine meñ naġhmoñ ke lai utāro to
usī adā se zarā phir mujhe pukāro to

un se sab apnī apnī kahte haiñ
merā matlab adā kare koī

rahtā nahīñ huuñ bojh kisī par ziyāda der
kuchh qarz thā agar to adā bhī huā huuñ maiñ

ik lahar hai ki mujh meñ uchhalne ko hai 'zafar'
ik lafz hai ki mujh se adā hone vaalā hai

aañkh terī adā kī qaid meñ hai

Darte haiñ chashm o zulf o nigāh o adā se ham
har dam panāh māñgte haiñ har balā se ham

mar ga.e dekh ham tirā andāz
hai fazā kī tirī adā baa.is

us adā se bhī huuñ maiñ āshnā tujhe itnā jis pe ġhurūr hai
maiñ jiyūñgā tere baġhair bhī mujhe zindagī kā shu.ūr hai

diloñ ko lūTne vaalī adā bhī yaad nahīñ
vafā kā zikr hī kaisā jafā bhī yaad nahīñ

haa.e kis qātil-adā se kī shurūa us ne namāz
niklī jab takbīr us ke muñh se maiñ bismil huā

is adā se baaḌh dekhī aap ne talvār kī
tā.ir-e-rañg-e-hinā bhī tā.ir-e-bismil huā

kyā jaane kis adā se liyā tū ne merā naam
duniyā samajh rahī hai ki sach-much tirā huuñ maiñ

ham to saheñge vo bhī pa lāzim nahīñ tujhe
is naaz kī jafā jo adā ko burī lage

āshiqāñ kuuñ niyāz hai lāzim
nāznīñ gar adā suuñ naaz kare