Tags-Ada

kaj-adā thī bahut umiid magar
ham bhī 'jaun' ek hīla-jū Thahre

roz khulne kī adā bhī to nahīñ aatī hai
is taraf bād-e-sabā bhī to nahīñ aatī hai

us kī bhī adā kī hai 'zafar' aaj to qīmat
jo chiiz ḳharīdī nahīñ bāzār se ham ne

qais ko dosh na do rakhiyo na farhād ko naam
inhī logoñ se mohabbat kī adā zinda thī

bahāroñ kā gul ko patā kis tarah hai
adā ġhunchoñ ko ye chaTakne kī kyoñ dī

nāz-o-adā hai tujh se dil-ārām ke liye
ye jaama qat.a hai tire andām ke liye

kuchh is tarah se faash huā vo ki aa.ina
har aks rāz-e-husn-o-adā tak pahuñch gayā

tezī-e-teġh-e-adā kī shohrateñ haiñ duur duur
hai bahut ābād kū-e-dil-figārāñ in dinoñ

jab tak jiye bikharte rahe TūTte rahe
ham saañs saañs qarz kī sūrat adā hue

maiñ ik adā se daraḳhtoñ ke beach Thahrā rahā
phir ek roz koī naam likh gayā mujh par

umr-e-āshiq-o-ma.ashūq sarf-e-nāz-o-hairat hai
husn hai adā-pardāz ishq hai tamāshā.ī

zarā sī duurī pe baiTh kar vo nigāh mujh se milā rahī thī
jo apnī bāñhoñ meñ bhar liyā to adā se sharmā ga.ī udāsī

baare sajda adā kiyā tah-e-teġh
kab se ye bojh mere sar par thā

har ḳhūb-rū ho shoḳh-adā aur vafā-shi.ār
kis kaam kā hai phuul agar rañg-o-bū na ho

hotī nahīñ hai yūñhī adā ye namāz-e-ishq
yaañ shart hai ki apne lahū se vazū karo

shukr-e-jafā bhī ahl-e-razā ne kiyā adā
un se yahī nahīñ ki shikāyat na ho sakī

'muftī' dekho mahr palTā hai mirī taqdīr kā
dekhte haiñ kis tarah sajda adā hotā nahīñ

shauq jab bhī bandagī kā rahnumā hotā nahīñ
zindagī se zindagī kā haq adā hotā nahīñ

ḳhabar bhī hai tujhe ai jān-e-'maikash'
fasāne ban ga.e har har adā ke

qātil ne adā kā kiyā jab vaar uchhal kar
maiñ ne sipar-e-dil kuuñ kiyā oT sambhal kar