Tags-Ada

le uḌe ahl-e-junūñ husn kī ik ek adā
ḳhalvat o bazm meñ ab farq hī kyā rakkhā hai

khule hue makān meñ adā bhī terī ḳhuub hai
zabāñ se qufl kī talab kalīd zer-e-āstīñ

zohd-o-vara.a par bhuul na zāhid husn kā munkir ho na divāne
san.āñ se ko le gayā ġhāfil ek adā meñ ishva-e-tarsā

haa.e vo māthā jo huā dāġh-dār
haif vo sajda jo adā ho gayā

maiñ ne to ai jān-e-jahāñ jaan dī
tum ne adā haqq-e-vafā kyā kiyā

ye bhī shāyad zindagī kī ik adā hai dosto
jis ko sāthī mil gayā vo aur tanhā ho gayā

kyā jaane kis adā se liyā tū ne merā naam
duniyā samajh rahī hai ki sach-much tirā huuñ maiñ

bār-e-jāñ ko to zarā kam kiije
qarz ehsāñ kā adā kījiyegā

qatl-e-āshiq ke liye ek adā bas hai tirī
bismil-e-ishq ko kuchh hājat-e-samsām nahīñ

un ke zulm-o-sitam kā kyā shikva
husn kī shoḳhī-e-adā kahiye

vo jis ne tuur pe muusā ko be-qarār kiyā
taḌap rahī hai nazar phir usī adā ke liye

ho naach rañgīlī pariyoñ kā baiThe hoñ gul-rū rañg-bhare
kuchh bhīgī tāneñ holī kī kuchh nāz-o-adā ke Dhañg-bhare

adā huī hai ka.ī baar tark-e-ishq kī rasm
magar hai sar pe vahī qarz-e-jān-o-tan kyā kyā

zabāñ ko hukm hī kahāñ ki dāstān-e-ġham kaheñ
adā adā se tum kaho nazar nazar se ham kaheñ

aañkh vaale nahīñ pahchānte us ko 'manzar'
jitne nazdīk se phūloñ kī adā jāntī hai

bichhḌā kuchh is adā se ki rut hī badal ga.ī
ik shaḳhs saare shahr ko vīrān kar gayā

tāsīr ke do hisse agar hoñ to mazā hai
ik merī fuġhāñ ko mile ik terī adā ko

kartī hai qatl bāñkī adā us kī ḳhalq ko
paTThā lagā hai teġh kā terī kulāh meñ

maiñ terī bārgah meñ naqd-e-jāñ tak nazr kar aayā
to kyā kuchh aur bhī mujh ko adā tāvān karnā hai

har-nafas māñgī duā-e-ḳhair īmāñ ke liye
mere pahlū meñ thā ik kāfir-adā kal raat ko