Tags-Ada

kuchh is adā se aaj vo pahlū-nashīñ rahe
jab tak hamāre paas rahe ham nahīñ rahe

un ke āñchal meñ adā ban kar qayāmat chhup chukī
vo mirī jaanī huī vo merī pahchānī huī

adā-o-nāz aur andāz kā shaidā na ho jaa.e
mirā nāzoñ kā paalā dil kahīñ un kā na ho jaa.e

salīqe ko lab-e-fariyād tere
adā kī daad farmāyā gayā hai

nazar jhuk rahī hai ḳhamoshī hai lab par
hayā hai adā hai ki an-ban hai kyā hai

manzil-e-marg meñ jiine kī adā rakhtā huuñ
ya.anī har haal meñ andāz judā rakhtā huuñ

haa.e vo chashm ki dekhe tujhe sargarm-e-adā
vaa.e vo dil ki tirā mahram-e-asrār rahā

maiñ shukr us kā na kaise adā karūñ jānāñ
shu.ūr mujh ko mohabbat kā jis ḳhudā ne diyā

bikharne lagtī hai ruḳh par hayā usī jaisī
hamāre sāmne us ḳhush-adā kā naam na lo

tamāshā dekhiye vo ba.ad-e-qatl bhuul gayā
ki mere dar pe koī kushta-e-adā bhī hai

is dil ko kisī dast-e-adā-sanj meñ rakhnā
mumkin hai ye mīzān-e-kam-o-besh jalā de

yaañ ishārāt-e-ġhalat par zindagī
vaañ adā hai aur hī sāmān meñ

jalne vāloñ ke jigar haiñ dil haiñ
khilne vāloñ kī adā haiñ yaaro

samundar adā-fahm thā ruk gayā
ki ham paañv paanī pe dharne ko the

andāz-o-adā se ai duniyā tū laakh sañvar kar sāmne aa
ye 'josh' faqīr āzād-manash jab dhyān meñ tujh ko laatā hai

sehr kiyā ki ToTkā aa.ī ye vaa.e kyā balā
haa.e ye jī kidhar chalā zor-e-adā dikhā ga.e

baiThe adā se ek pal naaz se uTThe phir sambhal
pahlū churā ga.e nikal jī hī mirā jalā ga.e

hamāre pyaar kī ye bhī adā nirālī hai
ḳhizāñ kī rut meñ manāyā bahār kā mausam

saare manzar mire ishāroñ par
bas ga.ī hai tirī adā mujh meñ

jin ko mehrāb-e-ibādat ho ḳham-e-abrū-e-yār
un kā kaabe meñ kaho sajda adā kyūñkar huā