Collections

Lab Shayari

Motivational Ghazals

Best Khamoshi Shayari

More Collections

Tags-Ada

adā meñ bāñkpan andāz meñ ik aan paidā kar
tujhe ma.ashūq banñā hai to puurī shaan paidā kar

ada mein bankpan andaz mein ek aan paida kar

qīmat-e-husn-o-adā jaan kī baazī Thahrī
log aa.e the vahāñ dirham-o-dīnār ke saath

kar-e-duniya se gae dida-e-bedar ke sath

ḳhanjar kaisā faqat adā se
taḌpā taḌpā ke maar Daalā

pahle sharma ke mar Dala

vo sail-e-nūr hai ḳhīra hai aadmī kī nazar
ba-sad ġhurūr-o-adā ḳhanda-zan hai gardūñ par

pahla jashn-e-azadi

dekhiye us but-e-kāfir ke satāne kī adā
ḳhvāb meñ dikhtā hai to bhī pas-e-chilman-chilman

kis ki aamad se bahaaran hua maskan maskan

hai āfat-e-jāñ husn kī shoḳhī bhī adā bhī
hoñToñ pe tabassum bhī hai nazroñ meñ hayā bhī

hai aafat-e-jaan husn ki shoKHi bhi ada bhi

vaqt kī qīmat adā karne ke ba.ad
ahd kā fir.aun phir masjūd hai

be-kasi par zulm la-mahdud hai

dil us ko pahle hī nāz-o-adā se de baiThe
hameñ dimāġh kahāñ husn ke taqāzā kā

gila hai shauq ko dil mein bhi tangi-e-ja ka

yuuñ roz roz karte adā-kāriyāñ tirī
sūrat badal ga.ī hai mire yaar dekh le

phir se lahu lahu dar-o-diwar dekh le

kartā hai vo jafā to kare maiñ vafā karūñ
yuuñ apnī dostī kā farīza adā karūñ

karta hai wo jafa to kare main wafa karun

nīm-shab hote haiñ vā jis dam darīche yaad ke
kis adā se jhāñktī haiñ ab vo rā.anā sūrateñ

kaisi kaisi thin unhi galiyon mein zeba suraten

zāhid ne bhī namāz ko apnī qazā kiyā
vallāh un butoñ kī adā kaam kar ga.ī

dil le gai wo zulf-e-rasa kaam kar gai

peshānī ko sajde bhī atā kar mire maulā
āñkhoñ se to ye qarz adā ho nahīñ saktā

miTTi mein mila de ki juda ho nahin sakta

adā huā na kabhī mujh se ek sajda-e-shukr
maiñ kis zabāñ se karūñgā shikāyateñ terī

ada hua na kabhi mujhse ek sajda-e-shukr

hamārī āñkhoñ meñ aao to ham dikhā.eñ tumheñ
adā tumhārī jo tum bhī kaho ki haañ kuchh hai

hamari aankhon mein aao to hum dikhaen tumhein

tirī adā bhī adā hai vo ik qayāmat kī
ye aur baat hai tāroñ ko dil-kashī baḳhshī

teri nazar ke ishaaron ko dil-kashi baKHshi

adā jiine kī qatre ne sikhā dī
fanā ho ke samundar ho gayā hai

ada jine ki qatre ne sikha di

ufuq pe husn-e-adā ke tulū-e-mehr-e-ḳhayāl
fazā-e-sher sahar kī latāfateñ māñge

mizaj-e-sahal-talab apna ruKHsaten mange

sar de ke 'mīr' ham ne farāġhat kī ishq meñ
zimme hamāre bojh thā baare adā hue

yan sarkashan jo sahab-e-taj o lawa hue

kuchh is adā se aaj vo pahlū-nashīñ rahe
jab tak hamāre paas rahe ham nahīñ rahe

kuchh is ada se aaj wo pahlu-nashin rahe