Tags-Ada

qissa to zulf-e-yār kā tuul o tavīl hai
kyūñkar adā ho umr kā rishta qalīl hai

maiñ kise sunā.ūñ ye dāstāñ maiñ kise batā.ūñ ye mājrā
kisī nāznīñ kī har ik adā mire dil jigar meñ utar ga.ī

shuā.eñ dene lage aisā ke añdhere bhī
na.ī adā hai charāġhoñ meñ jhilmilāne kī

ai ḳhātir-e-mehr-āshnā us ke talavvun par na jā
ye be-ruḳhī thī ik adā vo sarv thā sīdhā huā

dil vo sab ke leñ ye hai achchhī adā
jaan lene kī adā achchhī nahīñ

suntā huuñ baḌe ġhaur se afsāna-e-hastī
kuchh ḳhvāb hai kuchh asl hai kuchh tarz-e-adā hai

bas ek chīḳh hī yuuñ to hameñ adā kar de
muāmla hunar-e-harf kā judā hai bahut

mujhe azal se milā ek to mizāj-e-junūñ
aur ik adā tirī dīvāna-gar bhī hotī hai

huuñ sīna-e-ushshāq meñ soz-e-jigar-o-dil
aur dīda-e-māshūqāñ meñ kyā nāz-o-adā huuñ

jaam to jaam mai-e-hosh-rubā bhī badlī
saath hī rindoñ ke piine kī adā bhī badlī

aise hī be-ḳhulūs ke hai dostī harām
jaise ki ham namāz adā be-vuzū kareñ

dil-rubā laala ho fazā terī
mujh ko bhaa.ī na ik adā terī

thī ek rasm-e-ishq so ham ne bhī kī adā
duniyā meñ koī kaam anokhā na kar sake

dil mohabbat kī adā chāhtā hai
ek aañsū dam-e-ruḳhsat hī sahī

na rahā sham-e-farozāñ meñ bhī vo sho.ala-e-ishq
aur parvānoñ ko marne kī adā yaad nahīñ

vo ik adā ki na pahchān paa.e ham 'bānī'
zarā sī baat thī aafat hazār le aa.ī

agar hai bā.is-e-vahshat tujhe hamārā junūñ
hameñ bhī terī adā se shikāyateñ haiñ bahut

numāyāñ shoḳhī-e-rañg-e-tabī.at hotī jaatī hai
ki har kāfir adā se ab mohabbat hotī jaatī hai

apnī anā ke saath jiye kaj-adā rahe
ab is kā kyā malāl ki be-dast-o-pā rahe

naaz o adā se paañv uThe aur laraz ga.e
achchhā huā ki us kī balā us ke sar ga.ī