Tags-Ada

ḳhud-numā.ī kam-libāsī sab ne mil kar chhīn lī
qātilāna ik adā jo husn ke tevar meñ thī

ye kis adā se chaman se bahār guzrī hai
sulag sulag ke tamannā hazār guzrī hai

ai shauq-e-talab baḌh kar majnūn-e-adā ho jā
ai himmat-e-mardāna rāzī-ba-razā ho jā

muskurā kar moḌ lete ho bhaveñ
ḳhuub adā kā haq adā karte ho tum

hū-ba-hū us kī adāoñ kī adā lāzim hai
yaar kī sunnat-e-mas.ūd ko bid.at na banā

lafz kī qaid se rihā ho jā
aa mirī aañkh se adā ho jā

faisla-kun kis qadar thī haa.e zālim kī adā
dil-jigar qalb-o-nazar ke saare afsāne ga.e

vo sāmne aa.e haiñ kuchh is turfa adā se
ādāb mohabbat ke bhī dil bhuul gayā hai

ganjīna-e-sifāt hai us kī har ek baat
sūrat bhī guftugū bhī adā bhī shi.ār bhī

tahrīr se varna mirī kyā ho nahīñ saktā
ik tū hai jo lafzoñ meñ adā ho nahīñ saktā

gar fikr-e-zaḳhm kī to ḳhatā-vār haiñ ki ham
kyuuñ mahv-e-mad.h-e-ḳhūbi-e-teġh-e-adā na the

ye ḳhudā hī jaane vo kaun thā jo shahīd-e-nāz-o-adā huā
ki uḌī hai ḳhāk-e-rah-e-sanam to ḳhizāñ meñ rañg-e-bahār hai

is adā suuñ laTak laTak mat aa
dil mirā be-qarār karne kuuñ

fazā-e-shahr-e-talab hai anā-guzīda bahut
adā-shanās rah-e-iltimās maiñ bhī nahīñ

zindagī ham se tire naaz uThā.e na ga.e
saañs lene kī faqat rasm adā karte the

tum mujhe haath uThā kar is adā se koso
dekhne vaale ye samjheñ ki duā karte haiñ

raftār aur vaqt kā andāza hai kuchh aur
fitrat kī muḳhtalif hī adā hai ḳhalāoñ meñ

shahīd nāz-o-adā kā tire zamāna huā
uḌāyā mehñdī ne dil chor kā bahāna huā

gunāhgār haiñ mehrāb-e-teġh ke sājid
jhukāyā sar to adā farz-e-panj-gāna huā

kahā hai ġhair ne tum se mirā haal
kahe detī hai bebākī adā kī