Tags-Khudi

is darja be-ḳhudī ne dikhā.īñ ta.alliyāñ
gardūñ ġhubār-e-qāfila-e-hosh ho gayā

pī ġhair ne sharāb mujhe be-ḳhudī huī
nashsha chaḌhā kisī ko maiñ behosh ho gayā

kaif-e-ḳhud-āgahī bhī hai ālam-e-be-ḳhudī bhī hai
shauq-e-supurdagī bhī hai aaj nigāh-e-nāz meñ

kahīñ ġhurūr takabbur kahīñ futūr-e-ḳhudī
hamārī raah meñ rahzan biThā.e jaate haiñ

jigar meñ dard hai dil muztarib hai jaan be kal hai
mujhe is be-ḳhudī meñ bhī ḳhabar hai apne aalam kī

vo josh-e-be-ḳhudī kā hai aalam ki āj-kal
zindāñ meñ ham nahīñ haiñ ki zindāñ nahīñ rahā

ye nasīb hī nahīñ thā ki maiñ apnā haal jī luuñ
maiñ huuñ apnī ḳhastagī kā ḳhudī sogvār ab tak

hai jabhī se be-ḳhudī badmast huuñ sarshār huuñ
un ke hāthoñ se piyā thā jām-e-mastī ek din

rahe nashshe meñ lekin intihā-e-ḳhāksārī se
ki sar par be-ḳhudī kā āsmāñ ham ne nahīñ rakkhā

ḳhudā ko kyā kahūñ paayā na paayā
ki vasl-e-be-ḳhudī aslā na paayā

hai ḳhud-shanāsī jahāñ-shanāsī jahāñ-shanāsī ḳhudā-shanāsī
milī jo tujh ko ḳhudī kī daulat to daulat-e-sarmadī milegī

maqām-e-insāñ maqām-e-yazdāñ meñ fāsla hai bas ik qadam kā
jahāñ malegī ḳhudī kī sarhad vahīñ had-e-be-ḳhudī milegī

ye kamāl-e-ḳhudī hī kahā jā.egā
ḳhud hī duniyā banāne lagā aadmī

saaqī hai shab kī dast-darāzī kā kyā gila
pyāre jo be-ḳhudī meñ huā mo'tabar nahīñ

banda huuñ be-ḳhudī kā maiñ us mast kī jise
āshob-e-roz-e-hashr se aslan ḳhabar nahīñ

shām-e-ġham kuchh us nigāh-e-nāz kī bāteñ karo
be-ḳhudī baḌhtī chalī hai raaz kī bāteñ karo

apne hī ghar meñ ḳhudā.ī hai jo koī samjhe 'huzūr'
haañ magar qaid-e-ḳhudī se Tuk rihā.ī chāhiye

dar tak tire ḳhudī ne na aane diyā jise
āñkhoñ se ashk ban ke vo sajda adā huā

be-ḳhudī meñ to ye jhagḌe nahīñ rahte ai hosh
tū ne kar rakkhā hai ik ālam-e-fānī paidā

zamīr-e-pāk ḳhayāl-e-buland zauq-e-latīf
bas aur is ke sivā jauhar-e-ḳhudī kyā hai