Tags-Khudi

us kī ḳhudī hai abhī shām-o-sahar meñ asiir
gardish-e-daurāñ kā hai jis kī zabāñ par gila

hai be-niyāz-e-shādī-o-ġham merī be-ḳhudī
ye vo chaman hai jis meñ bahār o ḳhizāñ nahīñ

jaam ho mahfil, na ho saaqī koī
ham ko apnī be-ḳhudī se kaam hai

muddatoñ meñ huzūr-e-yār 'sharaf'
aaj laa.ī hai be-ḳhudī ham ko

be-ḳhudī meñ le liyā bosa ḳhatā kiije muaaf
ye dil-e-betāb kī saarī ḳhatā thī maiñ na thā

jaane maiñ aur tū ke jhagḌe kaise suljhāte bhī ham
aa ga.ī thī kaam apnī be-ḳhudī achchhā huā

ḳhud dekh ḳhudī ko o ḳhud-ārā
pahchān ḳhudā ko bhī ḳhudā-rā

be-ḳhudī kyuuñ na ho taarī ki gayā siine se
ashk-e-ḳhūñ āTh-pahr mujh ko rulāne vaalā

yaañ nafas kartā thā raushan sham-e-bazm-e-be-ḳhudī
jalva-e-gul vaañ bisāt-e-sohbat-e-ahbāb thā

aks jamāl-e-yār kā ā.ina-e-ḳhudī meñ hai
ye ġham-e-hijr kyā diyā mujh se mujhe chhupā diyā

itnī pī hai ki ba.ad-e-tauba bhī
be-piye be-ḳhudī sī rahtī hai

ye huā hai ḳhudā ḳhudā kar ke
rāt-din be-ḳhudī sī rahtī hai

be-ḳhudī ne mirā bharam toḌā
maiñ samajhtā rahā ḳhudā tum ho

sar jab se jhukāyā hai dar-e-yār pe maiñ ne
mehrāb-e-ḳhudī jalva-gah-e-sham-e-haram hai

ba-faiz-e-āgahī hai mudda.ā sanjīda sanjīda
ḳhudī ne vā kiye haiñ raaz kyā pechīda pechīda

junūñ ke raste meñ ye ḳhudī bhī azaab hogī
ḳhirad kā koh-e-vabāl le kar kahāñ chale ho

tirā soz-e-ishq hai zindagī tirā jazb-e-husn hai be-ḳhudī
tujhe pā ke ḳhush hai tirā 'zakī' nahīñ kaam aish-e-davām se

ḳhudā ke nām-levā ham bhī haiñ tum bhī ho aur vo bhī
magar afsos sab apnī ḳhudī ko jiite rahte haiñ

ālam-e-be-ḳhudī meñ gar sajda kiyā koī 'vaqār'
ban gayā naqsh-e-jāvedāñ manzil-e-be-sabāt meñ

ḳhudā ne azmat-e-insāiyat baḳhshī unheñ ai 'shād'
tasavvuf meñ ḳhudī ab shādmāñ ma.alūm hotī hai