Tags-Khudi

tire ḳhayāl ke asrār be-ḳhudī meñ khule
hamīñ chhupā na sake varna dil ko kyā ma.alūm

juz ijz kyā karūñ ba-tamannā-e-be-ḳhudī
tāqat harīf-e-saḳhtī-e-ḳhvāb-e-girāñ nahīñ

allāh re be-ḳhudī ki tire ghar ke ās-pās
har dar pe dī sadā tire dar ke ḳhayāl meñ

ye dīdanī hai mai-kada meñ josh-e-be-ḳhudī
aa.e haiñ aaj hazrat-e-vā.iz piye hue

kaheñ kis se ḳhudī meñ tum kahāñ ho
gila jab ho ki qaabū meñ zabāñ ho

yahī ḳhud-shanāsī ḳhudā.ī huī
ḳhudī miT ga.ī jab ḳhudā ho gayā

rah-e-irfāñ meñ apne hosh ko maa.il samajhte haiñ
huī jab be-ḳhudī taarī use manzil samajhte haiñ

jhilmilātī hai sar-e-bazm-e-jahāñ sham-e-ḳhudī
jo ye bujh jaa.e charāġh-e-rah-e-irfāñ ho jaa.e

ḳhud-farāmoshī ne rakkhā hai giraftār-e-ḳhudī
chhūTte kyuuñ chhoḌte dāman agar apnā na ham

har jāma-e-sifāt meñ kyuuñ kar na jhol ho
hai ye ki nāpte haiñ ḳhudā ko ḳhudī se ham

bhāge zarūr arsa-e-tañg-e-ḳhudī se ham
nikle magar na dā.ira-e-āgahī se ham

ai sañg-e-āstāñ mire sajdoñ kī laaj rakh
aayā huuñ e'tirāf-e-shikast-e-ḳhudī liye

be-ḳhudī merī vahāñ laa.ī jahāñ phir dil se
ālam-e-hosh ko giryāñ nahīñ dekhā jaatā

mujhe is be-ḳhudī par bhī dil-e-marhūm ai 'jauhar'
bahut yaad aatā hai jab daur meñ paimāna aatā hai

mirī ḳhudī meñ nihāñ hai mire ḳhudā kā vajūd
ḳhudā ko bhuul gayā jab se ḳhud ko samjhā huuñ

adū hai tumhārā tumhāre hī andar
ḳhudī se tumheñ ham bachāyā kareñge

ban hī jā.egā kabhī koī ḳhudī kā paikar
apne ehsās kī garmī se pighalte rahiye

be-ḳhudī ham pe rakhiyo lutf-o-karam
apne ta.iiñ bhuul jaa.eñ jab tak ham

aanā hai jo bazm-e-jānāñ meñ pindār-e-ḳhudī ko toḌ ke aa
ai hosh-o-ḳhirad ke dīvāne yaañ hosh-o-ḳhirad kā kaam nahīñ

be-ḳhudī naam hai ehsās-e-ḳhudī kā shāyad
varna kuchh aur thā mansūr ḳhabar hone tak