Tags-Khudi

dūsroñ se kabhī nahīñ laḌte
log jo bhī ḳhudī se laḌte haiñ

vo merā be-ḳhudī meñ us ke muñh se muñh milā denā
qayāmat ek chup kā phir vo donoñ ko sazā denā

ātish anā kī ubhre ḳhirman ḳhudī kā jhulse
'īmān' kaise jāge, ho aabrū kī ḳhvāhish!

bahut der se aa.ina hai bulātā
ḳhudī se taqābul kī aa.ī ghaḌī hai

husn huuñ maiñ ki ishq kī tasvīr
be-ḳhudī tujh se pūchhtā huuñ maiñ

ai zindagī junūñ na sahī be-ḳhudī sahī
tū kuchh bhī apnī aql se pāgal uThā to lā

tirā vasl hai mujhe be-ḳhudī tirā hijr hai mujhe āgahī
tirā vasl mujh ko firāq hai tirā hijr mujh ko visāl hai

allāh re be-ḳhudī ki ham un ke hī rū-ba-rū
be-iḳhtiyār unhī ko pukāre chale ga.e

jo ḳhud se milte haiñ ham be-ḳhudī ke aalam meñ
tumhārī yaad talak darmiyāñ nahīñ hotī

is baat ko kahte hue Darte haiñ safīne
tūfāñ ko ḳhudī dāman-e-sāhil ne havā dī

be-ḳhudī sirf dalīl-e-ġham-e-pinhāñ hī nahīñ
ek din kāshif-e-hālāt bhī ho jā.egī

ḳhayāl-e-yār meñ ho mahv-e-be-ḳhudī aisā
mujhe ḳhabar nahīñ dil kyā hai aur jigar kyā hai

tirī zindagī isī se tirī aabrū isī se
jo rahī ḳhudī to shāhī na rahī to rū-siyāhī

ye payām de ga.ī hai mujhe bād-e-sub.h-gāhī
ki ḳhudī ke ārifoñ kā hai maqām pādshāhī

girā ḳhud apnī nazar se to pūchhtā phir kaun
ḳhudī gañvā.ī to mujh ko ḳhudā kahīñ na milā

guzar kar ham ḳhudī vahm-o-gumāñ se
ḳhudā jaane kahāñ tak aa ga.e haiñ

ye zo.am-e-ḳhudī hai ki tamāshā-e-ḳhudī hai
sar bech ke nāmūs ko dastār karo tum

be-ḳhudī bistar-e-tamhīd-e-farāġhat ho jo
pur hai saa.e kī tarah merā shabistāñ mujh se

hujūm-e-be-ḳhudī meñ ai 'nasīm' ab pās-e-ma.anī kyā
ijāzat de burā achchhā likheñ jo kuchh qalam tere

havas hai har ek jī kī jī meñ hue jo ġhash vasl kī ḳhushī meñ
tamām shab guzrī be-ḳhudī meñ javāb kaisā savāl kaisā