Tags-Khushi

jab bhī kahīñ se pyaar milā yā ḳhushī milī
duniyā ke dard-o-rañj-o-alam yaad aa ga.e

jale charāġh to chupke se naam lo merā
mile ḳhushī to mirī chashm-e-tar ko yaad karo

vo kiyā jis meñ ḳhushī thī aap kī
vo huā jo aap ko manzūr thā

hai ik ġharīb ke bachche sī zindagī apnī
ḳhushī kā parb bhī guzre jise rulātā huā

ḳhushī se karnā ravāna mire makāñ mujh ko
maiñ haar jā.ūñ agar vahshateñ harātā huā

tire ahkām kī duniyā mire a.amāl kā mahshar
yahāñ merī vahāñ terī ḳhushī se kuchh nahīñ hotā

ghar ke sab log nibhāte the ḳhushī se jin ko
ghar ke har fard ke kirdār huā karte the

koī to aa ke rulā de ki hañs rahā huuñ maiñ
bahut dinoñ se ḳhushī ko taras rahā huuñ maiñ

hañse bhī ro.e bhī lekin na samjhe
ḳhushī kyā chiiz hai duniyā meñ ġham kyā

ġhamoñ kī rut se kabhī dil figār mat honā
ḳhushī luTā ga.ī aksar adā udāsī kī

apnī ḳhushī se mujhe terī ḳhushī thī aziiz
tū bhī magar jaane kyuuñ mujh se ḳhafā ho gayā

ġhamoñ meñ mere ḳhushī chhupī hai ḳhushī meñ merī chhupe hue ġham
ajab laḌā.ī maiñ laḌ rahā huuñ mujhe duāoñ meñ yaad rakhnā

ve din bhī aah koī kyā the ki jin dinoñ meñ
dil ko ḳhushī thī apne dildār sab taraf se

dard-mandoñ ko kyā davā se kaam
ġham-nasīboñ ko kyā ḳhushī se ġharaz

ḳhushī visāl kī ab hai na rañj-e-tanhā.ī
ye kis maqām pe mujh ko hayāt le aa.ī

agar mar kar phir uThnā hai to marne kī ḳhushī kyā hai
badan khone kā ġham jiine kī ḳhushiyoñ se sivā hogā

use batāo ḳhushī der tak nahīñ rahtī
mire ġhamoñ pe bahut muskurā rahā hai koī

ġham mujhe dete ho auroñ kī ḳhushī ke vāste
kyuuñ bure bante ho tum nāhaq kisī ke vāste

mazā aatā nahīñ tham tham ke ham ko rañj-o-rāhat kā
ḳhushī ho ġham ho jo kuchh ho ilāhī nā-gahāñ kyuuñ ho

qābil-e-dīd ye bhī manzar hai
har ḳhushī ġham kā ek daftar hai