Tags-Khushi

phir yaad aa ga.iiñ shab-e-hijrāñ kī talḳhiyāñ
dil ko kabhī ḳhushī jo ghaḌī-do-ghaḌī huī

kyuuñ kar yaqīñ kareñ ki jahāñ meñ ḳhushī bhī hai
ham ko to ġham ne gher liyā ham jahāñ rahe

anjām ḳhushī kā duniyā meñ sach kahte ho ġham hotā hai
sābit hai gul aur shabnam se jo hañstā hai vo rotā hai

ye chiḌiyāñ chahchahātī haiñ to un ko chahchahāne do
parindoñ ko daraḳhtoñ par ḳhushī ke giit gaane do

har zaḳhm-e-kohnā vaqt ke marham ne bhar diyā
vo dard bhī miTā jo ḳhushī kī asaas thā

be-irāda jo baḳhsh dī tū ne
is ḳhushī kā tujhe ḳhayāl kahāñ

āgahī sar-chashma-e-ranj-o-alam 'tāsīr' hai
ham ḳhushī se hī nahīñ vāqif to phir kyā ġham kareñ

chalo kuchh der ro leñ saath mil kar
koī lamha ḳhushī kā mil gayā to

vo zimmedārī kitnī ḳhushī se nibhā.ī thī
us ko sarā.ī kī zabāñ maiñ ne sikhā.ī thī

ḳhushī yaad aa.ī ki ġham yaad aa.e
magar tum hameñ dam-ba-dam yaad aa.e

kisī ko kho ke pā liyā kisī ko pā ke kho diyā
na intihā ḳhushī kī hai na intihā malāl kī

merī nigāh-e-tishna-lab kī sarḳhushī na pūchhiye
ke jab uThī nigāh-e-nāz pī ga.ī pilā ga.ī

yaas ummīd ġham ḳhushī ḳhvāhish
ghar meñ har chiiz hai zarūrat kī

maiñ dūsroñ kī ḳhushī kī ḳhātir ġhubār ban kar bikhar gayā huuñ
magar kisī ne ye haq na maanā ki merī bhī kuchh zarūrateñ haiñ

bahut se log haiñ lekin ḳhushī se tanhā huuñ
kisī kā saath zamāne mujhe ravā hī nahīñ

naam terā aur mirā joḌā gayā
aur aa.ī har ḳhushī tartīb meñ

tamām umr isī rañj meñ tamām huī
kabhī ye tum ne na pūchā tirī ḳhushī kyā hai

ham ko to ek lamha ḳhushī kā na mil sakā
kyā log the jo ziist ke sāñche meñ Dhal ga.e

mohabbat kā karishma koī dekhe tere kūche meñ
khule bandoñ yahāñ luT kar ḳhushī mahsūs hotī hai

us kī ḳhushī thī bā.is-e-fat.h-e-hayāt-e-nau
jab vo huā malūl mujhe hārnā paḌā