Tags-Khushi

jahāñ kahīñ bhī ho terī ḳhushī zarūrī hai
ye kab kahā tirī maujūdgī zarūrī hai

ye ek ḳhauf bhī merī ḳhushī meñ shāmil hai
tirā bhī dhyān agar haT gayā to kyā hogā

kabhī to merā kahā maan zindagī merī
tirī ḳhushī meñ hī paa.ī hai har ḳhushī maiñ ne

tire liye to zamīñ āsmān ek kiye
kahāñ kahāñ na talāshā tujhe ḳhushī maiñ ne

bulandiyoñ ko pastiyoñ ko rauñdtā chalā gayā
hañsī-ḳhushī tumhāre har qadam se kheltā huā

guzar jahāñ ke ḳhanjar-e-do-dam se kheltā huā
ḳhushī se kheltā huā alam se kheltā huā

raazī hoñ yā ḳhafā hoñ vo jo kuchh bhī hoñ 'shakīl'
har haal meñ qubūl hai un kī ḳhushī mujhe

ab to ḳhushī kā ġham hai na ġham kī ḳhushī mujhe
be-his banā chukī hai bahut zindagī mujhe

maiñ jaise din kī tab-o-tāb se pareshāñ huuñ
ba-vaqt-e-shām ḳhushī ik ajab pukārtī hai

sitam to ye hai ki vo bhī na ban sakā apnā
qubūl ham ne kiye jis ke ġham ḳhushī kī tarah

chain hai amn hai ḳhushī hai yahāñ
hai ye daulat tirī badaulat kyā

ḳhushī visāl kī saarī sameT lī tū ne
firāq lamhoñ ko bolo shumār kis ne kiyā

hañsī meñ kaTtī thiiñ rāteñ ḳhushī meñ din guzartā thā
'kañval' maazī kā afsāna na tum bhūle na ham bhūle

ḳhushī mile bhī to ye dil udaas rahtā hai
bas ek ḳhauf sā rahtā hai kuchh na ho jaa.e

log phir kyuuñ ḳhushī pe marte haiñ
jānte haiñ use sabāt nahīñ

aaj is soz-e-tasavvur kī ḳhushī meñ ai dost
tā.ir-e-sabr ko āzād kiyā hai maiñ ne

gulshan pe lapakte kauñde ko bulbul kī sadā se ḳhush karnā
gulshan ke muhāfiz kī hai ḳhushī shāyad barbādi-e-kāmil meñ

ajiib qaid thī jis meñ bahut ḳhushī thī mujhe
ab ashk thamte nahīñ haiñ ye kyā rihā huā maiñ

de ga.ī dhokā magar shā.istagī-e-ġham mirī
aa rahā hai dil pe ilzām-e-ḳhushī tere baġhair

ḳhushī aur dukh ke mausam sab ke apne apne hote haiñ
kisī ko apne hisse kā koī lamha nahīñ detā