Tags-Khushi

ai mire nāseh-e-mushfiq kabhī ye bhī sochā
kaun duniyā meñ ḳhushī se tah-e-dām aatā hai

ġham rāt-din rahe to ḳhushī bhī kabhī rahī
ik bevafā se apnī baḌī dostī rahī

ḳhudā dikhā.e jo vasl kī shab ḳhushī se gul-gul shagufta hoñ sab
jo daaġh dil par haiñ ġham ke maare idhar hamāre udhar tumhāre

ḳhushī thī ḳhalvat-nashīñ the bāham muḳhil huā ġhair aa ke jis dam
to hosh-o-aql-o-ḳhirad sidhāre idhar hamāre udhar tumhāre

chale vo bād-e-murād hamdam jo bahr-e-ġham se nikāle bāham
ḳhushī ke bajre lageñ kināre idhar hamāre udhar tumhāre

fasl ho jaa.e to baḌhtī hai ḳhushī se duurī
aap kā qurb ye sach hai baḌe ārām kā hai

hameñ duniyā meñ apne ġham se matlab
zamāne kī ḳhushī se vāstā kyā

bāñheñ gale meñ Dāliye bhī ab hañsī-ḳhushī
ye hai shab-e-visāl kahā maan jā.iye

bahāreñ hī huā kartī haiñ tamhīd-e-ḳhizāñ aksar
vahāñ barsoñ rahā mātam jahāñ pal bhar ḳhushī aa.ī

gar tumhārī dil ḳhushī hai zab.h karne meñ mire
ḳhuub jī jaave to jaave aur kyā ho jā.egā

jo kuchh bhī ḳhushī se hotā hai ye dil kā bojh na ban jaa.e
paimān-e-vafā bhī rahne do sab jhūTī bāteñ hotī haiñ

hai sāl-e-nau kī aamad har shaḳhs kī ḳhushī hai
kyā rañg lā.egā ye is kī nahīñ ḳhabar kuchh

yahī sahī ki ḳhushī se mile mile to sahī
yahī sahī ki hamārī duā se kuchh na huā

nishāt-o-ranj muqaddar kī baat hotī hai
kisī se ġham na kisī se koī ḳhushī māñge

ranj-o-ġham aish-o-ḳhushī jis ke liye ek hī hoñ
umr us shaḳhs kī shāhoñ sī basar ho jaa.e

bulā.ūñgā na milūñgā na ḳhat likhūñgā tujhe
tirī ḳhushī ke liye ḳhud ko ye sazā dūñgā

qubūl kar ke terā ġham ḳhushī ḳhushī maiñ ne
tire jamāl ko baḳhshī hai zindagī maiñ ne

rūThā thā tujh se ya.anī ḳhud apnī ḳhushī se maiñ
phir us ke ba.ad jaan na rūThā kisī se maiñ

shu.ūr-e-nau-umr huuñ na mujh ko matā-e-rañj-o-malāl denā
ki mujh ko aatā nahīñ ġhamoñ ko ḳhushī ke sāñchoñ maiñ Dhaal denā

mujh ko har ġham navāzne vaale
har ḳhushī sauñptī thī maiñ tum ko