Tags-Khushi

ḳhushī jo ḳhvāb meñ bhī merī dastaras se thī duur
mujhe isī kā sazā-vār karne aayā thā

ḳhushī hogī halāk apnā dil-e-sad-chāk hotā hai
kahāñ ab aarzū ghar hasratoñ kā ḳhaak hotā hai

chāñd meñ kaise huī qaid kisī ghar kī ḳhushī
ye kahānī kisī masjid kī azaañ se suniye

aañsū ġham-o-ḳhushī ke jalve dikhā rahe haiñ
kuchh jagmagā rahe haiñ kuchh jhilmilā rahe haiñ

ham ne to ḳhud ''qubūl'' kahā thā ḳhushī ḳhushī
ab tak hai ġham ki ain-javānī meñ phañs ga.e

vo tere aane kī thī ḳhushī ki 'atīq-ahmad'
jo ghar meñ qaidī the sab parinde uḌā rahā thā

ḳhushī un ko mubārak ho ilāhī
vo ḳhush haiñ ḳhaak meñ mujh ko milā kar

vo zamāne meñ ḳhushī pā nahīñ sakte 'shārib'
āñsuoñ ko jo ilāj-e-ġham-e-daurāñ samjhe

ġham meñ ḳhushī hai aur ḳhushī meñ nihāñ hai ġham
muzmar hai aah vaah meñ aur vaah aah meñ

Dher saarī ḳhushī vo laatā hai
mere dāman meñ bhar ke jaatā hai

jin se vābasta thī 'shabnam' zindagī kī har ḳhushī
aah kaise log the nazroñ se jo ojhal hue

ye baat munkashif huī charāg ke baġhair bhī
maiñ DhūñD lūñgā har ḳhushī charāg ke baġhair bhī

mire ḳhat ko le ke ḳhushī se vo ka.ī baar chūmegī tū magar
mujhe Dar hai bhīgā vo lafz ik mire ġham kā qissa sunā na de

dil kī ḳhushī pāband na niklī rasm-o-rivāj-e-ālam kī
phūloñ par to chain na aa.e kāñToñ par ārām kareñ

tairtā ġham ke samundar meñ ho jaise koī shaḳhs
aur muTThī meñ ho us kī har ḳhushī haa.e re ishq

ḳhushī ho ho ke ulfat meñ jo bār-e-ġham uThātā hai
dil-e-shaidā hai yā hai ishq kā mazdūr pahlū meñ

haa.e kahnā kisī kā jaate hue
kījiye ruḳhsat hañsī ḳhushī ham ko

ek mauhūm sī ḳhushī kī tarah
tum mile bhī to ajnabī kī tarah

uThātī haiñ girātī haiñ yahī dīvār apnoñ maiñ
ḳhushī chhūkar hañsī to ġham chhupātī uñgliyāñ dekho

hañsī-ḳhushī se bichhaḌ jā agar bichhaḌnā hai
ye har maqām pe kyā sochtā hai āḳhir tū