Tags-Khushi

mujhe to is baat kī ḳhushī hai ki ab bhī mujh meñ
kisī pe bhī e'tibār karne kā hausla hai

ḳhushī huī thī ki ab maiñ tanhā nahīñ huuñ lekin
ye shaḳhs to mere saath chaltā hī jā rahā hai

ronā ḳhushī kā rotī hai bulbul bahār meñ
chhiḌkāv ho rahā hai chaman meñ gulāb kā

ye ġham bhī hai ki tere pyaar kā da.avā nahīñ kartā
ḳhushī bhī hai ki apne-āp se dhokā nahīñ kartā

jo ḳhud udaas ho vo kyā ḳhushī luTā.egā
bujhe diye se diyā kis tarah jalā.egā

un ko ḳhushī maiñ un kī mohabbat meñ qaid huuñ
mujh ko ḳhushī vo mere ḳhayāloñ meñ ghir ga.e

mere hisse meñ har ḳhushī i
ġham bhī kuchh be-hisāb aa.e the

ḳhushī hī shart nahīñ lutf-e-zindagī ke liye
matā-e-ġham bhī zarūrī hai aadmī ke liye

ḳhushī milī to masāfat kā ġham bhulā baiThe
go rāh-e-zīst pe yuuñ kitne aable hue the

ḳhushī se ziist kā har dukh uThā.e jaate haiñ
ham ahl-e-dil kī rivāyat nibhā.e jaate haiñ

ḳhushī to DhūñDe bhī is daur meñ nahīñ miltī
ye kaun log haiñ jo muskurā.e jaate haiñ

dil hī nahīñ hai us ke tasavvur meñ shād-kām
ik sarḳhushī meñ jhūmtā hai añg añg bhī

yahāñ-vahāñ se idhar-udhar se na jaane kaise kahāñ se nikle
ḳhushī se jiine kī justujū meñ hazār ġham ek jaañ se nikle

ġham se ġham ho na ḳhushī se ho ḳhushī kā ehsās
aisī tadbīr bhī ai dil koī kar dī jaa.e

ajiib hai ye zindagī kabhī hai ġham kabhī ḳhushī
har ek shai hai be-yaqīñ har ek chiiz aarzī

tumhāre dam se harī zamīneñ
ḳhushī se dāman-bharī mashīneñ

aaj aayā hai yaar ghar mere
ye ḳhushī kis se maiñ kahūñ 'tābāñ'

koī suqrāt nahīñ maiñ jo ḳhushī se pī luuñ
aap kyuuñ aa.e haiñ ye zahr ke pyāle le kar

dil de to is mizāj kā parvardigār de
jo rañj kī ghaḌī bhī ḳhushī se guzār de

safīne chand ḳhushī ke zarūr apne the
magar vo sail-e-ġham-e-be-hisāb us kā thā