Tags-Khushi

naġhme ḳhushī ke kis tarah gaa.e vo bulbul-e-nazār
jis kā chaman ujaḌ gayā yaaro bharī bahār meñ

kyā kyā log ḳhushī se apnī bikne par tayyār hue
ek hamīñ dīvāne nikle ham hī yahāñ par ḳhvār hue

ḳhushī meñ dil ke daaġh ko jalā jalā ke pī gayā
havas kī tez aañch ko bujhā bujhā ke pī gayā

na tamannā na tirī yaad na ġham ho na ḳhushī
kabhī aisā bhī atā ālam-e-tanhā.ī kar

dil meñ be-nām sī ḳhushī hai abhī
zindagī mere kaam kī hai abhī

maiñ us se sarḳhushī meñ vahī baat kah gayā
kitnā burā kiyā are kitnā burā kiyā

chauñk paḌtā huuñ ḳhushī se jo vo aa jaate haiñ
ḳhvāb meñ ḳhvāb kī ta.abīr bigaḌ jaatī hai

havas hai har ek jī kī jī meñ hue jo ġhash vasl kī ḳhushī meñ
tamām shab guzrī be-ḳhudī meñ javāb kaisā savāl kaisā

vo kanārī in meñ jo thī guñdhī use dekh kar bhī huī ḳhushī
kabhī nuur se kabhī lahar se kabhī taab se kabhī taar se

tire ġham kī parda-poshī jo isī kī muqtazī hai
to qasam hai tere ġham kī mujhe har ḳhushī gavārā

ḳhushī chhanī hai to ġham kā bhī e'timād na kar
jo ruuh ġham se bhī uktā ga.ī to kyā hogā

karam se aap ke sarshār thā ye dil lekin
ḳhushī kī aañch meñ kyā kyā pighal rahe the ham

vo ġham ho yā ho ḳhushī kaif kam na hotā thā
ajiib raah se ho kar guzar rahe the ham

kyā masarrat hai pūchhiye ham se
hai ibārat har ik ḳhushī ġham se

aatā jo bāhar ghar se vo hotī hameñ kyā kyā ḳhushī
gar dekh lete ham use phir ek dam yā ek pal

na ḳhushī meñ ab vo surūr hai na to dard meñ vo nasha rahā
lo 'sahāb' bāda-e-ishq ke vo sabhī ḳhumār chale ga.e

un kī ḳhushī se baḌh ke hameñ kuchh nahīñ aziiz
dil maal kyā hai jaan bhī de deñ ḳhushī se ham

tañg aa ga.e haiñ ishq meñ ab zindagī se ham
aa.e qazā to nazr kareñ jaañ ḳhushī se ham

din ḳhushī ke nikāl kar dekhe
umr kā har baras udāsī hai

aa.e to dil thā baaġh baaġh aur ga.e to daaġh daaġh
kitnī ḳhushī vo laa.e the kitnā malāl de ga.e