Tags-Khwab

TuuT ke phir se juḌ gayā ḳhvāb kā zard silsila
maiñ ne tire firāq ko niiñd meñ hī basar kiyā

use kaho ki kisī roz aa ke phir mujh ko
hasīn ḳhvāb achhūte ḳhayāl de jaa.e

muzmahil raat aur tanhā.ī
kaash ḳhvāb-e-visāl meñ utro

maiñ gila qismat kā kartā thā to sote the nasīb
shikva-e-taqdīr bahr-e-ḳhvāb baḳht afsāna thā

raat bhar ḳhvāb ke dariyā meñ saverā dekhā
din ke sāhil pe jo utre to añdherā dekhā

badan ḳhud apnī hī tajsīm kar nahīñ paate
qarīb aayā to āñkhoñ ko ḳhvāb maiñ ne diyā

āvāz-e-sūr tere shahīdoñ ko roz-e-hashr
lagtī thī ik bhanak sī to kānoñ ko ḳhvāb meñ

jo dekhte hī us se ye guzrā kabhū nahīñ
yāqūb ke ḳhayāl o zuleḳhā ke ḳhvāb meñ

raah meñ ruk ke kis liye pūchheñ kisī se rāsta
ḳhvāb kā ye safar hai aur ḳhvāb meñ kiyā idhar udhar

phir apne shor kī qīmat samajh sakegā 'qaus'
na ḳhvāb dekh zarā jā Tahal ke aa bāzār

badal liyā hai zarā ḳhvāb ke ilāqe ko
makāñ ko chhoḌ ke ab lā-makāñ meñ rahtā huuñ

subuk ḳhayāl nahīñ huuñ ki tere haath aa.uuñ
bahut pare kahīñ ḳhvāb-e-girāñ meñ rahtā huuñ

dil soyā huā thā muddat se ye kaisī bashārat jaagī hai
is baar lahū meñ ḳhvāb nahīñ ta.abīr kī lazzat jaatī hai

jab justujū na manzil aur ḳhvāb haiñ na armāñ
phir kis liye safar kā sāmān dekhtā huuñ

jahān-e-reg tirā aab dekhne ke liye
milī hai aañkh mujhe ḳhvāb dekhne ke liye

tujhe parakh hī nahīñ hai maiñ ek 'aḳhtar' huuñ
to phir taras tū mirā ḳhvāb dekhne ke liye

khaḌā thā merī galī se bāhar jahān saarā
maiñ ḳhvāb meñ apne aap se baat kar rahā thā

roz vo ḳhvāb meñ aate haiñ gale milne ko
maiñ jo sotā huuñ to jaag uThtī hai qismat merī

haa.e vo niiñd uḌātī āñkheñ
ḳhvāb meñ umr kaTī ho jaise

abhī talak bashāratoñ kī guuñj hai ḳhayāl meñ
ye kaun ḳhvāb meñ thā ham-kalām sochte rahe