Tags-Khwab

o des se aane vaale batā
dariyā kā vo ḳhvāb-ālūda sā ghaaT

DhūñDoge agar mulkoñ mulkoñ milne ke nahīñ nāyāb haiñ ham
jo yaad na aa.e bhuul ke phir ai ham-nafaso vo ḳhvāb haiñ ham

jo shaḳhs ki hai ḳhvāb meñ aane se bhī ḳhā.if
ā.īna-dil meñ use maujūd hī dekhūñ

ḳhvāb bhī bosīdgī le kar gadāgar ban ga.e
aur fatve de rahe haiñ ab dil-e-gumrāh par

vo dil kī sej pe ai 'hādia' biThā.egā
sajā hai ḳhvāb meñ kamra koī havelī kā

ḳhvāb meñ 'ālam' ne auj-e-arsh tak parvāz kī
aur jaage to vahī chakkar thā apne paañv meñ

is se aage to bas ḳhvāb hī ḳhvāb the
maiñ ne us ko mujhe us ne dekhā bahut

ik ḳhvāb-numā bedārī meñ jaate hue us ko dekhā thā
ehsās kī lahroñ meñ ab tak hairat kā safīna bahtā hai

phir jism ke manzar-nāme meñ so.e hue rañg na jaag uTTheñ
is ḳhauf se vo poshāk nahīñ bas ḳhvāb badaltā rahtā hai

har ek raat ko mahtāb dekhne ke liye
maiñ jāgtā huuñ tirā ḳhvāb dekhne ke liye

isī liye maiñ kisī aur kā na ho jā.ūñ
mujhe vo de gayā ik ḳhvāb dekhne ke liye

mohlat na milī ḳhvāb kī ta.abīr uThāte
ham maare ga.e TuuTe hue tiir uThāte

kyuuñ yaqīñ rakkheñ ḳhayāl-o-ḳhvāb par
jam na jaa.e gard-e-ġham a.asāb par

be-ḳhvāb surḳh āñkhoñ ne sab kuchh batā diyā
kal raat dil meñ dard kā tūfān thā bahut

apne hasīn ḳhvāb kī tābīr ḳhud kare
itnā to mo'tabar ye dil-e-nā-tavāñ nahīñ

lekin ab bhī raushan haiñ ḳhvāb merī ā.ankhoñ ke
chāñd to kahīñ jā kar so gayā añdhere meñ

le gayā saath hī apne vo mere ḳhvāb-o-ḳhayāl
zindagī ab bhī vahī hai tah o baalā merī

tū hai vaisā hī hū-ba-hū yaarā
ḳhvāb meñ thā jo rū-ba-rū yaarā

khulī ḳhvāb-e-ġhaflat se piirī meñ aañkh
shab-e-naujavānī sahar ho ga.ī

yā to vo ek ḳhvāb thā TuuT ke juḌtā hī rahā
yā phir ḳhalal nigāh kā aañkh ke taar meñ milā