English
Favourite
Favourite
UrduShayarUrduShayar
Expand menu
Sign inAccount

Tags-Khwab

hastī hī apnī kyā hai zamāne ke sāmne
ik ḳhvāb haiñ jahāñ meñ bikhar jaa.eñ ham to kyā
Sher
 hasti hi apni kya hai zamane ke samne
sochā thā ab maut sī niiñd maiñ so.ūñgā
ḳhvāb meñ kuchh nāyāb dikhā so zinda huuñ
Ghazal
 mujh mein hai kuchh dard bacha so zinda hun
ḳhvāb meñ us se roz milā kartā thā 'mīt'
lekin sach meñ nahīñ milā so zinda huuñ
Ghazal
 mujh mein hai kuchh dard bacha so zinda hun
band āñkhoñ meñ sunahre ḳhvāb Thahre the magar
ḳhvāb jab pahuñche haqīqat tak to āñkheñ khul ga.iiñ
Ghazal
 meri sansen sham ki bhigi hawa mein khul gain
āgahī jahl se bad-tar Thahrī
jāgte ḳhvāb kī ta.abīr muqaddar Thahrī
Nazm
 aashob-e-agahi
vo bhī ġhubār-e-ḳhvāb thā ham bhī ġhubār-e-ḳhvāb the
vo bhī kahīñ bikhar gayā ham bhī kahīñ bikhar ga.e
Ghazal
 tere liye chale the hum tere liye Thahar gae
ye pahroñ pahroñ soch-nagar rātoñ rātoñ be-ḳhvāb lahar
phir kaise kaTegā dhūp-safar jab piir luTī jāgīr hue
Ghazal
 is shahr ke log ajib se hain ab sab hi tumhaare asir hue
ḳhvāb hai us se baat karne kā
koī ḳhvāboñ kī raat mil jaa.e
Ghazal
 gar mujhe meri zat mil jae
ḳhvāb vaise to ik ināyat hai
aañkh khul jaa.e to musībat hai
Ghazal
 KHwab waise to ek inayat hai
jo ḳhvāb nazar aatā hai sarsabz zamīñ kā
us ḳhvāb kī ta.abīr batāyā nahīñ karte
Ghazal
 hum apni mohabbat ka tamasha nahin karte
haañ ai ġham-e-ishrat-e-guzishta
ik fursat-e-ḳhvāb chāhtā huuñ
Ghazal
 takmil-e-shabab chahta hun
ḳhvāb ko sūrat-e-hālāt banā jaatā hai
dil ko aanā ho to be-vaqt bhī aa jaatā hai
Ghazal
 KHwab ko surat-e-haalat bana jata hai
be-kaif kaT rahī thī musalsal ye zindagī
phir ḳhvāb meñ vo ḳhvāb sā paikar milā mujhe
Sher
 be-kaif kaT rahi thi musalsal ye zindagi
sard hai marg-sifat misr-e-junūñ kā bāzār
ḳhvāb-e-yūsuf bhī nahīñ ḳhvāb-e-zuleḳhā bhī nahīñ
Ghazal
 dil teri yaad mein har lamha taDapta bhi nahin
ta.abīr kī talāsh meñ phirte haiñ ḳhvāb ḳhvāb
chashm-e-jahāñ pe aks-fashāñ honā hai abhī
Ghazal
 ek raaz-e-dilruba ko bayan hona hai abhi
diloñ ke dard jagā ḳhvāhishoñ ke ḳhvāb sajā
balā-kashān-e-nazar ke liye sarāb sajā
Ghazal
 dilon ke dard jaga KHwahishon ke KHwab saja
niiñd ke kamre meñ dam ghuTne lagā
ḳhvāb kī khiḌkī ko kholā chāhiye
Ghazal
 satwin manzil se kuda chahiye
rishta-e-āb-o-sarāb ik ḳhvāb hai
tū bhī saaya maiñ bhī saaya soch le
Ghazal
 phir na aaega ye lamha soch le
ḳhvāb meñ ik zaḳhm dekhā thā badan par jis jagah
sub.h dekhā to vahāñ ik daaġh sā maujūd hai
Ghazal
 ye KHabar hai, mujh mein kuchh mere siwa maujud hai
ishq-e-butāñ hai ḳhvāb-e-farāmosh ai ḳhudā
aayā hai phir ḳhayāl tirī yaad kī taraf
Ghazal
 jata hai kaun aap se jallad ki taraf
Top Urdushayar.com