Tags-Khwab

nayā kam-ḳhvāb kā lahñgā jhamakte taash kī añgiyā
kucheñ tasvīr sī jin pe lagā goTā kanārī hai

ye sunā thā 'mīr' ham ne ki fasāna ḳhvāb lā hai
tirī sar-guzasht sun kar ga.e aur ḳhvāb yārāñ

phir utarnā hai mujhe ḳhvāb kī gahrā.ī meñ
tum nigāhoñ meñ koī raah banā.e rakhnā

vo aa.e to is ḳhvāb ko ta.abīr milegī
jo ḳhvāb-e-jazīra mire sāgar se uThā hai

kuchal kuchal ke na fōt-pāth ko chalo itnā
yahāñ pe raat ko mazdūr ḳhvāb dekhte haiñ

maiñ us ke ḳhvāb meñ kab jā ke dekh paayā huuñ
hai aur koī vahāñ par ki maiñ hī tanhā huuñ

ḳhudā hī jaane mire ḳhvāb bech dene ke ba.ad
mirī vafāoñ ke tājir kahāñ kahāñ bhaTke

mujhe sulā.egī ab kyā havā-e-ḳhvāb-e-fanā
ziyā-e-husn se bedār ho chukā huuñ maiñ

uchaTtī niiñd se hāsil bhī aur kyā hogā
kaTe phaTe hue kuchh ḳhvāb dekh lete haiñ

kuchh na thā ḳhvāb-e-pareshāñ ke sivā
is theater kī haqīqat khul ga.ī

aañkh meñ partav-e-mahtāb salāmat rah jaa.e
koī sūrat ho ki ik ḳhvāb salāmat rah jaa.e

Dhalegī raat to niklegā āftāb koī
ki shahr-e-ḳhvāb pe aa.egā phir azaab koī

ye ehtimām-e-nazāra bhī ḳhuub hai 'naushād'
dikhāne aa.ī hai duniyā mujhe bhī ḳhvāb koī

maiñ kab se niiñd kā maarā huā huuñ aur kab se
ye merī jāgtī āñkheñ haiñ mahv-e-ḳhvāb na pūchh

kuchh is liye bhī niiñd hameñ aatī hai jaldī
āñkhoñ ne abhī ḳhvāb tumhāre nahīñ dekhe

jaag uThte nasīb āshiq ke
yaar agar mast-e-ḳhvāb ho jaatā

chain se sote farsh-e-rāhat par
jo ḳhayāl un kā ḳhvāb ho jaatā

shab-e-va.ada agar na aate aap
ḳhvāb bhī mujh ko ḳhvāb

ḳhvāb-gah meñ siyāh ḳhushbū thā
ittifāqan charāġh bhī gul thā

aaj kī raat bhī phir ḳhvāb jagā.eñ ge mujhe
phir vo karvaT se ḳhayāloñ ke tasalsul ko miTāne kī kashīd-e-koshish