Collections

Lab Shayari

Motivational Ghazals

Best Khamoshi Shayari

More Collections

Tags-Khwab

tajsīm kar ki ḳhvāb kī duniyā hai jāvedāñ
taslīm kar ki ālam-e-fānī fareb hai

bas ruh sach hai baqi kahani fareb hai

ḳhvāb kī hālatoñ ke saath terī hikāyatoñ meñ haiñ
ham bhī dayār-e-ahl-e-dil terī rivāyatoñ meñ haiñ

KHwab ki haalaton ke sath teri hikayaton mein hain

abhī vo chāñd falak se utar ke aa.egā
ye ek ḳhvāb hameñ bārhā dikhāyā gayā

kabhi jalaya gaya to kabhi bujhaya gaya

use chāhā usī ke ḳhvāb dekhe
sivā us ke mujhe fursat kahāñ thī

hamare darmiyan qurbat kahan thi

dil-ḳhastagāñ meñ dard kā aazar koī to aa.e
patthar se mere ḳhvāb kā paikar koī to aa.e

dil-KHastagan mein dard ka aazar koi to aae

har shab ek hī ḳhvāb se uljhā rahtā huuñ
maiñ dariyā huuñ phir bhī pyāsā rahtā huuñ

har shab ek hi KHwab se uljha rahta hun

'ādil' saje hue haiñ sabhī ḳhvāb ḳhvān par
aur intizār-e-ḳhalq-e-ḳhudā kar rahe haiñ ham

peDon se baat-chit zara kar rahe hain hum

ye mujhe niiñd meñ chalne kī jo bīmārī hai
mujh ko ik ḳhvāb-sarā apnī taraf khīñchtī hai

yun mujhe teri sada apni taraf khinchti hai

sone vāloñ ko koī ḳhvāb dikhāne se rahā
maiñ tah-e-ḳhāk to ab ḳhaak uḌāne se rahā

sone walon ko koi KHwab dikhane se raha

āñkheñ kholo ḳhvāb sameTo jaago bhī
'alvī' pyāre dekho saalā din niklā

aankhen kholo KHwab sameTo jago bhi

us meñ bhī ḳhud-numā.ī ke rañg bahut haiñ in dinoñ
apne liye bhī arsa-e-ḳhvāb-o-ḳhayāl hai nayā

dil ki masarraten nai jaan ka malal hai naya

aag sīnoñ meñ jalā kar rakhiye
ḳhvāb āñkhoñ meñ basā kar rakhiye

aag sinon mein jala kar rakhiye

ḳhvāb ke ḳhadshe se ab niiñd uḌī jaatī hai
maiñ ne dekhā hai use chhoḌ ke jaatā huā ghar

ek ek lamhe ko palkon pe sajata hua ghar

sahar qarīb huī aao aañkh meñ bhar leñ
ye paara paara tamannā.eñ ḳhvāb marte hue

KHirad ke jumla dasatir se mukarte hue

javāb jis kā nahīñ koī vo savāl banā
maiñ ḳhvāb meñ use dekhūñ koī ḳhayāl banā

jawab jis ka nahin koi wo sawal bana

ziyārat hogī ka.abe kī yahī ta.abīr hai is kī
ka.ī shab se hamāre ḳhvāb meñ but-ḳhāna aatā hai

ziyarat hogi kabe ki yahi tabir hai isko

ḳhvāb aur ḳhvāhishoñ kī qismat hai
ḳhālī rastoñ pe rolne jaisī

talKHi-e-jam Dolne jaisi

kal raat ka.ī ḳhvāb-e-pareshāñ nazar aa.e
jo shahr ki ābād the vīrāñ nazar aa.e

kal raat kai KHwab-e-pareshan nazar aae

kohsār-e-himāla kī jhalak ḳhvāb meñ dekhī
gañgā meñ ubalte hue tūfāñ nazar aa.e

kal raat kai KHwab-e-pareshan nazar aae

thī jis ke tabassum meñ malā.ek kī halāvat
sad-haif ki vo ḳhvāb meñ giryāñ nazar aa.e

kal raat kai KHwab-e-pareshan nazar aae