Collections

Lab Shayari

Motivational Ghazals

Best Khamoshi Shayari

More Collections

Tags-Khwab

jāntī hai vo zulf-e-uqda-kushā
mere āshufta ḳhvāb kī ta.abīr

dil-e-nadan mera hai be-taqsir

gayā ki sail-e-ravāñ kā bahāv aisā thā
vo ek ḳhvāb jo kāġhaz kī naav aisā thā

gaya ki sail-e-rawan ka bahaw aisa tha

maiñ tire ḳhvāb se aage bhī nikal saktā huuñ
dekh mujh ko na parakh vaqt kī raftār ke saath

kar-e-duniya se gae dida-e-bedar ke sath

ye phuul ye charāġh ye tāroñ kā qāfila
sab kuchh hai tere ḳhvāb ke paikar nahīñ rah

pahli si chahaton ke wo manzar nahin rahe

merā ye kaam aur kasī ke supurd hai
ḳhud ḳhvāb dekhnā abhī aayā nahīñ mujhe

aisa nahin ki usne banaya nahin mujhe

abhī tak aañkh ke har zāviye meñ hijr ke ġham haiñ
tumhāre ḳhvāb aate haiñ magar meñ so nahīñ saktī

ye kachche rang hain gahre main un ko dho nahin sakti

dekhiye us but-e-kāfir ke satāne kī adā
ḳhvāb meñ dikhtā hai to bhī pas-e-chilman-chilman

kis ki aamad se bahaaran hua maskan maskan

shikva ab gardish-e-ayyām kā karte kyuuñ ho
ḳhvāb dekhe the to ta.abīr se Darte kyuuñ ho

shikwa ab gardish-e-ayyam ka karte kyun ho

dasht meñ vādi-e-shādāb ko chhū kar aayā
maiñ khulī-āñkh hasīñ ḳhvāb ko chhū kar aayā

dasht mein wadi-e-shadab ko chhu kar aaya

mujh ko mālūm hai poroñ ke damakne kā javāz
raat maiñ ḳhvāb meñ mahtāb ko chhū kar aayā

dasht mein wadi-e-shadab ko chhu kar aaya

idhar ye niiñd udhar jāgte hue saa.e
ajiib silsila-e-ḳhvāb hai hayāt us kī

tilism hai ki tamasha hai kaenat uski

ḳhvāb un ko hasīn lagtā hai
niiñd se jo jage nahīñ hote

log sare bhale nahin hote

maiñ ne jis lamhe ko puujā hai use bas ik baar
ḳhvāb ban kar tirī āñkhoñ meñ utartā dekhūñ

apni ruswai tere nam ka charcha dekhun

kyā hasīñ ḳhvāb mohabbat ne dikhāyā thā hameñ
khul ga.ī aañkh to tābīr pe ronā aayā

kya hasin KHwab mohabbat ne dikhaya tha hamein

qahr lā.eñge ye tāle.a jo zarā bhī chete
ai falak ḳhvāb se un ko na jagānā hargiz

harf tum apni nazakat pe na lana hargiz

zindagī kab tak tire darmāndgān-e-ārzū
ḳhvāb dekheñ aur ta.abīroñ ko sharminda kareñ

ishq ke TuTe hue rishton ka matam kya karen

ham aa.e roz nayā ḳhvāb dekhte haiñ magar
ye log vo nahīñ jo ḳhvāb se bahal jaa.eñ

hum aae roz naya KHwab dekhte hain magar

ḳhvāb-e-ārām meñ sotā thā vo gul qahr huā
ai nasīm-e-saharī kis ko jagāyā tū ne

KHwab-e-aram mein sota tha wo gul qahr hua

un pe ho jā.eñge ta.amīr haqīqat ke mahal
ham ne jo ḳhvāb kabhī zehan meñ paale hoñge

phul khilte hi agar panw mein chhaale honge

go mulāqāt nahīñ ālam-e-bedārī meñ
ḳhvāb meñ par vo hameñ saath sulā letā hai

go siyah-baKHt hun par yar lubha leta hai