Tags-Khwab

misl-e-tā.er havā meñ uḌtā huuñ
merī āñkhoñ meñ ḳhvāb rahtā hai

ik hasīñ ḳhvāb ki āñkhoñ se nikaltā hī nahīñ
ek vahshat hai ki ta.abīr huī jaatī hai

ḳhvāb likhtī rahīñ āñkheñ dar-o-bām-e-shab par
sub.h ik pahlū dikhātī rahī sachchā.ī kā

ye mere sāthī haiñ pyāre sāthī magar inheñ bhī nahīñ gavārā
maiñ apnī vahshat ke maqbare se na.ī tamannā ke ḳhvāb dekhūñ

takiya-e-maḳhmalī sirhāne rakh
lekin āñkhoñ siiñ apnī ḳhvāb nikāl

abas āsūdgān-e-ḳhāk ko bad-ḳhvāb karte ho
abhī se kyuuñ machā rakkhā hai hañgāma qayāmat kā

ham-nafas ḳhvāb-e-junūñ kī koī ta.abīr na dekh
raqs karnā hai to phir paañv kī zanjīr na dekh

ḳhvāb āñkhoñ se zabāñ se har kahānī le gayā
muḳhtasar ye hai vo merī zindagānī le gayā

din ko bhī na dekhā ham ne use shab ḳhvāb meñ bhī yaaro na milā
is tāla-e-ḳhufta kā hove burā ye bhī na huā vo bhī na huā

bichhaḌ ke shāḳh se bahtā phirūñ razā us kī
kisī daraḳht pe jā kar ye ḳhvāb rakkhūñgā

shorish-e-vaqt huī vaqt kī raftār meñ gum
din guzarte haiñ tire ḳhvāb ke āsār meñ gum

'hasan' hamārī udaas āñkheñ kisī kī āñkhoñ se kah rahī haiñ
jo ham ne tum ne kabhī bune the visāl-lamhoñ ke ḳhvāb paḌhnā

dil taab hī laayā na Tuk tā yaad rahtā ham-nashīñ
ab aish roz-e-vasl kā hai jī meñ bhūlā ḳhvāb sā

pahle to ik ḳhvāb thā ḳhākistar-o-ḳhāvar ke biich
ab añdherī shab hai haa.il us ke mere ghar ke biich

raat us ko ḳhvāb meñ dekh kar
maiñ ne kuchh nahīñ kahā

raat us ko ḳhvāb meñ dekh kar
chaar saal jaise phir usī tarah guzar ga.e

āḳhirī niiñd se pahle kahāñ samjheñge ham
ḳhvāb se Darnā zarūrī hai ki bedārī se

ye kis ne ḳhvāb se aa kar jagāyā
ham us ko chhūte chhūte rah ga.e haiñ

ḳhvāb hī ḳhvāb javānī kā muqaddar the kabhī
ḳhvāb se baḌh ke gale mil ga.ī ta.abīr ab ke

aise meñ ḳhvāb āñkhoñ meñ koī sajā.e kyā
vo habs hai ki chain se sonā muhāl hai