English
Favourite
Favourite
UrduShayarUrduShayar
Expand menu
Sign inAccount

Tags-Khwab

kitnī duur se chalte chalte ḳhvāb-nagar tak aa.ī huuñ
paañv meñ maiñ chhāle sah kar apne ghar tak aa.ī huuñ
Ghazal
 kitni dur se chalte chalte KHwab-nagar tak aai hun
bābul ke āñgan se ik din har beTī ko jaanā hai
āñkhoñ meñ na.e ḳhvāb sajā kar tere dar tak aa.ī huuñ
Ghazal
 kitni dur se chalte chalte KHwab-nagar tak aai hun
kahte ho ham ḳhvāb meñ aate jo tū sotā kabhī
ḳhuub kī barbād mehnat dīda-e-bedār kī
Ghazal
 hai mohabbat sab ko uske abru-e-KHamdar ki
kyā bikhar ke raheñge ḳhvāb mire
aa.ina TuuT kar rahegā kyā
Ghazal
 yaad wo umr bhar rahega kya
apnī āñkhoñ ko umīdoñ se sajā.e rakhnā
jaltī rātoñ meñ koī ḳhvāb bachā.e rakhnā
Ghazal
 apni aankhon ko umidon se sajae rakhna
merī ujḌī huī nīndoñ ke shabistānoñ meñ
tū kisī ḳhvāb ke paikar kī tarah aa.ī hai
Nazm
 mata-e-ghair
merī darmāñda javānī kī tamannāoñ ke
muzmahil ḳhvāb kī tābīr batā de mujh ko
Nazm
 mata-e-ghair
nashsha-e-ḳhvāb ba.ad meñ utrā
pahle ḳhushnūdī-e-valā se uThā
Ghazal
 dil-e-durwesh ki dua se uTha
idrāk hī muhāl hai ḳhvāb-o-ḳhayāl kā
dil ke varaq pe aks hai us ke jamāl kā
Ghazal
 idrak hi muhaal hai KHwab-o-KHayal ka
kitnī hī rāteñ jaag ke āñkhoñ meñ kaaT diiñ
bedāriyāñ bhī ḳhvāb dikhā.eñ to kyā kareñ
Ghazal
 ye jabr-e-zindagi na uThaen to kya karen
yuuñ vo rahtā hai merī āñkhoñ meñ
merī āñkhoñ kā ḳhvāb ho jaise
Ghazal
 paDh raha hun nisab ho jaise
javāz rakhtā huuñ maiñ apne zinda hone kā
ki ek ḳhvāb se hai silsila bahāl mirā
Ghazal
 tu apne shahr-e-tarab se na puchh haal mera
lahū kī nazr huā ek ek ḳhvāb-e-numū
havā ke saath gayā ḳhema-e-ḳhayāl mirā
Ghazal
 tu apne shahr-e-tarab se na puchh haal mera
mujh ko iqrār hai
maiñ ne ḳhvāboñ meñ bichhḌe ka.ī ḳhvāb-chehre likhe hī nahīñ
Nazm
 sasti nazm
yaar ko be-hijāb dekhā huuñ
maiñ samajhtā huuñ ḳhvāb dekhā huuñ
Ghazal
 yar ko be-hijab dekha hun
jo aa kar ḳhvāb meñ bhī zehn-o-dil par chhā hī jaatā hai
vo zulf-e-mushkbū se qasr-e-dil mahkā hī jaatā hai
Ghazal
 jise aana hai milne ke liye wo aa hi jata hai
shaboñ ko jāgte ho jis ke ḳhvāb meñ 'akbar'
vo shāhkār kamāl-e-hunar se niklegā
Ghazal
 sharar-e-sang jo is shor-o-shar se niklega
kabhī kabhī maiñ unheñ dil meñ aan rakhtā huuñ
phir ek ḳhvāb meñ donoñ jahān rakhtā huuñ
Ghazal
 kabhi kabhi main unhen dil mein aan rakhta hun
maiñ sochtā huuñ magar yaad kuchh nahīñ aatā
ki iḳhtitām kahāñ ḳhvāb ke safar kā huā
Ghazal
 tilism KHatm chalo aah-e-be-asar ka hua
dīda-e-dil se 'zafar' ḳhvāb bhī chhin jā.eñge
vaqt kahtā hai ki ab aisā nizām aa.egā
Ghazal
 dil mein rakh zaKHm-e-nawa rah mein kaam aaega
Top Urdushayar.com