Tags-Khwab

jis qadar chāhiye biThlā.iye pahre dar par
band rahne ke nahīñ ḳhvāb meñ aane vaale

ab ke baras bhī mahkā mahkā ḳhvāb darīchā lagtā hai
duniyā chāñd nazar aatī hai sab kuchh achchhā lagtā hai

'bushrā' aao lauT chaleñ aur ḳhvāb-nagar meñ kho jaa.eñ
duniyā meñ to sab kuchh apnā dekhā-bhālā lagtā hai

dāmān-e-gul-ruḳhāñ kī tamannā bhī dosto
kitnā hasīn ḳhvāb hai tum ko ḳhabar bhī hai

ḳhvāb ke sūkhe hue ḳhākoñ meñ lazzat kā ġhubār
niiñd ke dīmak-zada gatte ke pīchhe intizār

tū kahāñ jā.egī kuchh apnā Thikāna kar le
ham to kal ḳhvāb-e-adam meñ shab-e-hijrāñ hoñge

sin hī kyā hai abhī bachpan hī javānī meñ sharīk
so raheñ paas mire ḳhvāb meñ Darne vaale

hai garche bahut mere liye ḳhvāb kī duniyā
kuchh aur maza ḳhvāb kī ta.abīr meñ aave

ai sub.h-e-der-ḳhez unheñ āvāz de jo hai
ik shām-e-zūd-ḳhvāb ke sukh meñ magan paḌe

bheḌeñ ujlī jhaag ke jaisī sabza ek samundar sā
duur khaḌā vo parbat niilā ḳhvāb meñ khoyā lagtā hai

aql har ḳhvāb kī ta.abīr ke pīchhe bhāge
dil azal hī se hai āshāoñ ke pīchhe pīchhe

ḳhvāb khulnā hai jo āñkhoñ pe vo kab khultā hai
phir bhī kahiye ki bas ab khultā hai ab khultā hai

mire bāl-o-par meñ vo hausla hai jo āsmāñ ko sameT le
jo mujhe banā.egā jāvedāñ mirī chashm-e-tar meñ vo ḳhvāb hai

chand lamhe ḳhayāl-o-ḳhvāb sahī
chand lamhe anīs-e-jāñ guzre

sayyād ko to ḳhvāb-e-taġhāful se kaam hai
ahvāl-e-tā.irān-e-giraftār ho so ho

yahī bahut hai ki us ahd-e-be-payambar meñ
kahīñ charāġh kahīñ ḳhvāb ne zuhūr kiyā

bichhaḌ ga.ī hai vo ḳhushbū ujaḌ gayā hai vo rañg
bas ab to ḳhvāb sā kuchh apnī chashm-e-tar meñ huuñ

hamārī palkoñ ke ḳhvāb āḳhir udaas kyuuñ haiñ
agar ye tum ko hī sochnā hai to maiñ kahāñ huuñ

ek hī ḳhvāb ka.ī baar yūñhī dekhā maiñ ne
tū ne saaḌī meñ uḌas lī haiñ mirī chābiyāñ ghar kī

aur ma.alūm hai jab dekhā thā ye ḳhvāb tumhārā
apne bistar pe maiñ us vaqt paḌā jaag rahā thā