Tags-Khwab

fasloñ kā ḳhvāb bhuuk kī āñkhoñ meñ rah gayā
gaañv ke khet khā ga.e lekin kisān tak

sunte the ki bikte haiñ yahāñ ḳhvāb sunahre
phirte haiñ tire shahr ke bāzār meñ ham log

kyuuñ sajāte haiñ ḳhvāb sadiyoñ ke
chand lamhoñ kī zindagī meñ ham

aaj aur kal kī baat nahīñ hai sadiyoñ kī tārīḳh yahī hai
har āñgan meñ ḳhvāb haiñ lekin chand gharoñ meñ ta.abīreñ haiñ

ho ke vo ḳhvāb-e-aish se bedār
kitnī hī der shal rahī hogī

haqīqatoñ se magar munharif rahā na gayā
so shahr-e-ḳhvāb se apnā bhī āb-o-dāna gayā

laḌkhaḌāte hue bhī aur sambhalte hue bhī
us ke dar par hī ga.e ḳhvāb meñ chalte hue bhī

agar ye sach hai ki tū merā ḳhvāb hai to batā
ki aañkh lagte hī mujh ko jhiñjhoḌtā kyuuñ hai

vo ḳhvāb kyā thā ki jis kī hayāt hai ta.abīr
vo jurm kyā thā ki jis kī sazā hai tanhā.ī

naqs ta.abīroñ meñ kyuuñ karnā rahe
ḳhvāb hī jab ke hamārā ḳhaam hai

mere liye ajiib haiñ terī ye muskurāhaTeñ
jaag rahā huuñ yā tujhe dekh rahā huuñ ḳhvāb meñ

din ko the ham ik tasavvur raat ko ik ḳhvāb the
ham samundar ho ke bhī is ke liye pāyāb the

ḳhudā-e-bartar ne āsmāñ ko zamīn par mehrbāñ kiyā hai
magar mire ḳhvāb ke nagar ko charāġh ne ḳhush-gumāñ kiyā hai

kahīñ nahīñ hai masāfat-e-umr meñ kisī ḳhvāb kā paḌāv
so maiñ ne is be-kanār sahrā pe abr kā sā.ebāñ kiyā hai

sitār-e-ḳhvāb se bhī baḌh kar ye kaun be-mehr hai ki jis ne
charāġh aur aa.ine ko apne vajūd kā rāz-dāñ kiyā hai

hai kis kā intizār ki ḳhvāb-e-adam se bhī
har baar chauñk paḌte haiñ āvāz-e-pā ke saath

ik raah pe vo aayā hai ik lambe safar se
mahmil meñ vo be-ḳhvāb hai aalam kī ḳhabar se

chāñd utrā thā shab ko āñgan meñ
niiñd TuuTe to ḳhvāb se nikle

dasht ke beach meñ tālāb nazar aate haiñ
ham ġharīboñ ko faqat ḳhvāb nazar aate haiñ

jhoñpaḌe vaale to sote hī nahīñ sāvan meñ
so.eñ to ḳhvāb meñ sailāb nazar aate haiñ