Tags-Kiss

raat kī aañkh meñ ek ḳhanjar ugā
ek vahshī parinde ne ḳhanjar kā bosa liyā

maiñ aa rahā huuñ abhī chuum kar badan us kā
sunā thā aag pe bosa raqam nahīñ hotā

mar ke bhī paa.eñ lab-e-sāqī kā bosa kyā majāl
vaañ na pahuñche gar hamārī ḳhaak kā sāġhar bane

dilā abas talab-e-bosa hai tujhe us se
vo la.al-e-lab ki lab-e-jām se nahīñ vāqif

tālib-e-bosa huuñ maiñ qāsid vo haiñ ḳhvāhān-e-jān
ye zarā sī baat hai milte hī tai ho jā.egī

un laboñ kī vo bosa bosa uThān
aur palkoñ kā nashsha nashsha jhukāo

savāl be-sūd jānte haiñ raheñ na ḳhāmosh to kareñ kyā
evaz meñ bose ke tum se sāhab javāb ham le ke kyā kareñge

dil le ke bosa dete nahīñ aur ye kahte haiñ
apne parā.e meñ kahīñ charchā na kījiye

muñh pheriye na lāl-e-shakar khā ke bose se
dil apne talḳh-kām kā khaTTā na kījiye

bosa jabīñ ko pā-e-sanam kā na mil sakā
laġhzish ne be-ḳhudī kā bahāna kiyā bahut

terā bosa aisā pyāla hai jis meñ se
paanī piine vaalā pyāsā rah jā.egā

hai muntazir pas-e-darvāza-fanā shāyad
jo ek bose meñ chhīne takān din bhar kī

niind meñ khulte hue ḳhvāb kī uryānī par
maiñ ne bosa diyā mahtāb kī peshānī par

aarzū is dil-e-shaidā kī yahī hai ki tirā
ek bosa kabhī de de lab-e-sofār faqat

le liyā pyaar se aks apne kā jhuk kar bosa
us ne dekhā jo vo pāñ-ḳhurda dahan aa.ine meñ

kyā diyā bosa lab-e-shīrīñ kā ho kar tursh-rū
muñh huā mīThā to kyā dil apnā khaTTā ho gayā

ek bose kī talab meñ huī mehnat barbād
vasl kī raat huī yaar se khaTpaT ham se

kar ke yaad tire māthe kā bosa ham
uñglī ab hoñThoñ pe dharne lagte haiñ

bosa use de javāb yū hai jo ab savāb
tujh añge 'dā.ūd' ne lab kuuñ savālī kiyā