Tags-Kiss

shart thī mānūñgā jo māñgoge tum
nām-e-bosa sunte hī kuchh Tal ga.e

nashshe meñ jī chāhtā hai bosa-bāzī kījiye
itnī ruḳhsat dījiye banda-navāzī kījiye

jaa.e bosa ke gāliyāñ diije
ye ināyāt ḳhush nahīñ aatī

mazā āb-e-baqā kā jān-e-jānāñ
tirā bosa liyā hove so jaane

koī aag kā bosa hai kahīñ pe ḳhvāboñ meñ
ham ne apne māthe par likh diye savāl apne

us lab se mil hī jā.egā bosa kabhī to haañ
shauq-e-fuzūl o jur.at-e-rindāna chāhiye

aksar vo kahte haiñ ki jo bosa talab kare
is guftugū pe muñh ise kyūñkar lagā.iye

lab-e-shīrīñ kā jo bosa liyā thā
mirī us kī shakar-rañjī rahā kī

abhī uThe tirā bīmār-e-nā-tavāñ ġhash se
jo de tū bosa-e-seb-e-zaqan taḌāq-paḌāq

shak un ko thā ki raat meñ bosa na le koī
gāloñ pe rakh ke so.e kalā.ī tamām raat

maiñ pahle bose se nā-āshnā rakhūñgā tumheñ
phir is ke ba.ad tumheñ dūsrā nahīñ dūñgā

liyā bosa kisī ne aur garebāñ-gīr hai merā
Dubāyā chāhtā hai sab ko tūfānī hai ye laḌkā

us lab kā liyā bosa na kabhū haihāt na lipTā pāvoñ se
dil tujh se ba-rañg-e-pān-o-hinā ye bhī na huā vo bhī na huā

bajā ki haath ko thāmā bajā liyā bosa
jabīñ ko bhuul ga.e aap ke bhī kyā kahne

bosa māñgūñ to kaheñ mujh se ye bulvā ke qarīb
kis kā muñh hai jo mire muñh ke vo muñh laa.e qarīb