Tags-Kiss

gaalī se na Dar jo deñ vo bosa
hai nafā jahāñ zarar bhī hogā

jo dil ko bose ke badle diije to hañs ke lailā bahut ḳhushī se
jo bosa māñgo to phir ye naqshā kabhī to aaj aur kabhī kahe kal

kyā qayāmat hai ki aariz un ke niile paḌ ga.e
ham ne to bosa liyā thā ḳhvāb meñ tasvīr kā

gar ham nashe meñ bosa kaheñ do to lutf se
tum paas muñh ko lā ke ye hañs kar kaho ki lo

ai sabza rañg-e-ḳhat bhī banā ab to bosa de
begāna thā jo sabza chaman se nikal gayā

bosa laboñ kā māñgte hī muñh bigaḌ gayā
kyā itnī merī baat kā tum ko burā lagā

māñgā jo ek bosa to bole ki raah lo
ik umr meñ diyā to diyā ye javāb-e-shab

bad-gumānī kā agar mahbūb kī hotā na Dar
us ke pairoñ kā vo bosa letā rahtā raat bhar

ḳhair kī saarī duāoñ kā bhalā ho laḌkī
ek bosa dam-e-ruḳhsat ki girānī nikle

meva-e-bāġh-e-iram us ko na bhāve hargiz
taubar-e-bosa kiyā jis ne vo seb-e-zaqnī

bosa ab qand-e-mukarrar ho gayā
duunī lazzat ho ga.ī takrār se

teġh-e-abrū kā jo bosa de to de
varna zālim qatl kar talvār se

lab-e-ḳhayāl se us lab kā jo liyā bosa
to muñh hī muñh meñ ajab tarah kā mazā aayā

jī detā hai bose kī tavaqqo pe 'fuġhāñ' tū
Tuk dekh le saudā ye tirā ḳhaam na hove

ek bosa māñgte laḌne lage
itne hī meñ āshnā.ī ho chukī

māñgā jo bosa yaar se maiñ ne shab-e-visāl
az-ḳhud maze meñ aa ke mire kaaT khaa.e hoñTh

bosa dene meñ jo pūchhā ki bigaḌtā kyā hai
bole lene meñ kaho aap ko miltā kyā hai

terā bosa aisā pyāla hai jis meñ se
paanī piine vaalā pyāsā rah jā.egā

jab ki le zulf tirī mus.haf-e-ruḳh kā bosa
phir yahāñ farq ho hindū o musalmān meñ kyā

khil rahe haiñ gulāb hoñToñ par
aur ḳhvāboñ meñ us kā bosa hai