Tags-Kiss

zabāñ ke zahr kī koī gavāhī de na paa.e
agar bosa diyā bhī to pas-e-dīvār denā

le to luuñ sote meñ us ke paañv kā bosa magar
aisī bātoñ se vo kāfir bad-gumāñ ho jā.egā

jhunjhlāte ho kyā dījiye ik bosa dahan kā
ho jā.eñge lab band to ġhauġhā na kareñge

yār-e-dharmātmā kā pyaar ke saath
bosa denā bhī mujh ko pun sā lagā

phir kah tū chimaT kar na leñ ham bosa so kyūñkar
jab aap se gaalī bhī ināyat na kare tū

sohbat meñ ġhair kī na paḌī ho kahīñ ye ḳhū
dene lagā hai bosa baġhair iltijā kiye

zabānoñ ke ras meñ ye kaisī mahak hai
ye bosa ki jis se mohabbat kī sahbā kī uḌtī hai ḳhushbū

luTāte haiñ vo daulat husn kī bāvar nahīñ aatā
hameñ to ek bosa bhī baḌī mushkil se miltā hai

tohmat-e-bosa abas detī ho manzūr jo ho
kar ke be-fā.eda bohtān ye gaalī denā

maiñ ne kahā nasīm se chaTke hai ġhuncha kis tarah
kunj-e-dahān-e-tañg se bose ne dī sadā ki yuuñ

us kaf-e-pā ke bose kī kab mujhe raah yaad thī
badraqa-e-talab huī jur.at-e-sang-e-pā ki yuuñ

dil mirā bosa-ba-paiġhām nahīñ hai hamdam
yaar letā hai to le apnī zabānī māñge

jab us kā bosa letā thā cigarette kī bū nathnoñ meñ ghus jaatī thī
maiñ tambākū-noshī ko ik aib samajhtā aayā huuñ

bosa māñgā jo dahan kā to vo kyā kahne lage
tū bhī mānind-e-dahan ab kahīñ nā paidā ho

kyā ḳhuub tum ne ġhair ko bosa nahīñ diyā
bas chup raho hamāre bhī muñh meñ zabān hai

ki arz 'nazīr' ik bose kī jab hañs kar chanchal bolā yuuñ
is muñh se bosa lījiyegā qurbān tumhārī sūrat ke

dilvā.iye bosa dhyān bhī hai
is qarza-e-vājib-ul-adā kā

vo sīdhī ulTī ik ik muñh meñ sau sau mujh ko kah jaanā
dam-e-bosa vo terā ruuTh jaanā yaad aatā hai

ham se rukhā.iyāñ aur muñh jhulse mudda.ī kā
bosa pe bosa har dam duuñ be-savāl denā

is umr bhar meñ tujh se māñgā hai ek bosa
ḳhālī paḌe na pyāre merā savāl denā