Tags-Kiss

dekhne vaale soch rahe haiñ mere muñh meñ cigarette hai
maiñ kahne meñ sharmātā huuñ bosa hai shahzādī kā

bosa ham aaj māñgte haiñ
karte haiñ qismat-āzmā.ī

bosa dete nahīñ aur dil pe hai har lahza nigāh
jī meñ kahte haiñ ki muft aa.e to maal achchhā hai

chamakte chāñd se chehroñ ke manzar se nikal aa.e
ḳhudā hāfiz kahā bosa liyā ghar se nikal aa.e

vo bosa de ke dil le kar ye bole
evaz ehsāñ kā kyā insān degā

bosa mat de kisū ke dar pe nasīm
ḳhaak us āstāñ ke ham bhī haiñ

muñh banā merī taraf ā.īne kā bosa liyā
vaah vā achchhī tarah se roz Dahkāte ho tum

bosa maiñ lūñgā gin ke yaar yak do sah chaar panj o shash
kah chukā bas maiñ ek baar yak do sah chaar panj o shash

pīchhā tirā chhoḌeñ na kabhī bosa liye bin
do roz ham aisoñ ko zarā muñh to lagā dekh

tujh se bosa maiñ na māñgā kabhū Darte Darte
dekhiye āb-e-baqā pā.ūñgā marte marte

bosa dete hue patthar ko qadam tez karo
darmiyāñ sañg ke ik shahar-e-nagīñ hai raushan

nahīñ khultā sabab tabassum kā
aaj kyā koī bosa deñge aap

maiñ aa rahā huuñ abhī chuum kar badan us kā
sunā thā aag pe bosa raqam nahīñ hotā

bosa jo ruḳh kā dete nahīñ lab kā dījiye
ye hai masal ki phuul nahīñ pañkhuḌī sahī

sā.il-e-bosa haiñ un ko dekh chashm-e-qahr se
aañkh ke Dheloñ se ai but ḳhātir-e-aġhyār toḌ

allāh-re us kī chaukhaT hai bosa-gāh-e-ālam
kahtā hai sañg-e-asvad maiñ sañg-e-āstāñ huuñ

luuñ bosa ḳhūñ-bahā maiñ us abrū-kamān se
ab to jigar se tīr-e-nigah paar ho chukā

kho rahe haiñ rañg tere hoñT ke
ham-nashīñ in pe mirā bosa lagā

agar bosa diyā hai vasl kā va.ada bhī kar liije
ināyat kī to thoḌī sī ināyat aur ho jaatī

na ho barham jo bosa be-ijāzat le liyā maiñ ne
chalo jaane do betābī meñ aisā ho hī jaatā hai